Uro me kartolinat e Down Syndrome Albania

Down Syndrome Albania

Uro me kartolinat e Down Syndrome Albania. Sipërmarrjet dhe institucionet kanë një mundësi shumë të mirë e të ndryshme për të mbështetur.

Si çdo vit, Fondacioni Down Syndrome Albania (DSA), nxjerr në shitje për biznesin dhe institucione të ndryshme kartolina, të cilat mund të personalizohen me logon dhe mesazhin e urimit të institucionit blerës.

Modelet e kartolinave për urimet e vitit të ri 2021 janë gati.

Të ardhurat nga shitja e kartolinave ndihmojnë për ofrimin e shërbimeve terapeutike për fëmijët që frekuentojnë qendrën e shërbimeve “PRO PAK”.

Modelet e kartolinave përgatiten nga fëmijët me aftësi të kufizuara dhe sfida në zhvillim me ndihmën e terapistëve të tyre. Më pas këto modele fotografohen dhe përpunohen grafikisht.

Duke shpresuar në mbështetjen tuaj përmes blerjes së këtyre kartolinave, gjeni si më poshtë detajet mbi çmimet, afatet e marrjes dhe dorëzimit të porosive.

 Produkti 1: Kartolina me dizenjo të ndryshme

  1. 100 – 300 kartolina (design i njëjtë) – 250 lekë/kartolinë (printim digjital)
  2. 301 – 600 kartolina (design i njëjtë) – 200 lekë/kartolinë, (printim në shtyp/offset)
  3. 601+ kartolina (design i njëjtë) – 190 lekë/kartolinë (printim në shtyp/offset)

Ky çmim përfshin zarf të thjeshtë për çdo kartolinë. Dizenjon e kartolinës mund ta ndryshoni për çdo 300 kartolina porosi. Pra, nëse në total do të porosisni 600 kartolina, ato mund të jenë 300 nga modeli A dhe 300 nga modeli B, por në këtë rast çmimi i kartolinës do të jetë 250 lekë, pavarësisht se totali i porosisë tuaj është 600 kartolina.

Lexo: Ja cilat janë dhuratat më të mira që mund të bëni për bizneset partnere

Përmasat e kartolinave janë: 10.5 x 16.5 cm (e palosur) dhe 21 x 16.5 e hapur.

Produkti 2: Kartolinë elektriktonike

20.000 lekë / design

 Produkti 3: Zarf me motive festive, përmasa 18 x 12.5 cm

35 lekë/zarf (pavarësisht sasisë, çmimi mbetet i njëjtë)

 Produkti 4: Zarf me motive festive dhe me logo të personalizuar

Zarfet nuk mund të brandohen me logon e kompanisë, por nëse dëshironi ta vendosni logon tuaj dhe në zarf, mund të realizohet me “sticker”. Ne mund t’ju japim ofertë ekstra sipas rastit/sasisë të zarfeve që do të porosisni.

DSA lëshon faturë tatimore të thjeshtë.

Porositë për sasitë 300+ do të merren deri me dt 25 nëntor. Kartolinat do të jenë gati për dorëzim pranë kompanisë ose për tërheqje nga zyrat e DSA mes datave 5-15 dhjetor.

Për çdo porosi të bërë pas datës 1 dhjetor, koha e dorëzimit është 7 ditë pune nga momenti i aprovimit të modelit të kartolinës dhe sasisë.

Kontakt: m.juka@dsalbania.org (Mirela Juka), e.zaimi@dsalbania.org ose info@dsalbania.org

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale