Në një moment kur tensionet mes Turqisë dhe Greqisë janë rritur ndjeshëm, për shkak të kërkimeve për hidrokarbure të Turqisë në Mesdheun Lindor, presidenti Turk Recep Tayyip Erdogan bën publik lajmin se vendi ka gjetur burime të konsiderueshme gazi në Detin e Zi, zbulim i cili sipas autoriteteve turke do të rrisë pavarësinë energjetike. Erdogan në fjalën e tij tregoi se anija Kërkimore Fatih, ka zbuluar 320 miliardë metra kub gaz në Detin E Zi.
Lajmi u bë publik pas disa ditësh njoftimesh nga ana e Presidentit se do të jepte një lajm që do të ndryshonte historinë e vendit. Erdogan në fjalën e tij theksoi, se Turqia nuk do të heqë dorë nga kërkimet në Mesdhe, pasi ai që kërkon fiton.
Në përfundim të fjalës se tij Erdogan tha se ata do të fillojnë menjëherë nga puna dhe shpresojnë që në vitin 2023 të krijojnë pavarësi energjetike për vendin. Turqia prej disa vitesh ka ndërmarrë fushata të shumta për burime gazi natyror, në Detin e Zi dhe Mesdhe.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
