Turqia në recesion, si pasojë e konflikteve ndërkombëtare politike - Business Magazine Albania

Turqia në recesion, si pasojë e konflikteve ndërkombëtare politike


Presidenti Turk, Rexhep Taip Erdogan, po përballet me recesionin e vendit të tij, për herë të parë në dhjetë vitet e fundit, ndërsa përgatitet për zgjedhjet vendore.

Prej më shumë se tre muajsh Turqia ka hyrë zyrtarisht në recesion. Ekonomia e këtij vendi u tkurr 2.4% në tremujorin e fundit të vitit të kaluar, pas uljes 1.6% në tremujorin e mëparshëm.

Ekonomia turke u dobësua, pas një zhvlerësimi të fortë të monedhës vendase. Pasojë e luftës tregtare me SHBA-në, lira u zhvlerësua 30% ndaj dollarit, duke bërë që vendi të importojë shumë më shtrenjtë.

Konflikti politik me pasoja të theksuara ekonomike lidhet me qëndrimet e kundërta të Turqisë dhe SHBA-ve për disa çështje. Dy burime konflikti janë mënyra si luftohet grupi militant i shtetit islamik në Siri dhe planet e Turqisë për të blerë sisteme raketore në Rusi.

Një konflikt i zgjatur është edhe kërkesa e Turqisë për ekstradimin nga SHBA i Fethullah Gulen. Zyrtarët e akuzojnë atë për grushtin e shtetit në Turqi në vitin 2016, Ndërsa Zyrtarët e SHBA vlerësojnë se nuk ka prova të mjaftueshme për ekstradimin e tij.

FT

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0