Travel a Dept”, Një itinerar për në Shqipëri


Ndërsa një pjesë e rrugëve të Europës së Vjetër janë shkatërruar nga perandoritë e mëparshme, Shqipëria ka aq shumë për të ofruar nga trashëgimia e saj kulturore. Kështu e nis artikullin website i njohur “Travel a Dept”, një faqe amerikane me vlerësime dhe sugjerime nga udhëtarët nga e gjithë bota.
E aksesuar gjithnjë e më tepër nga turistë perëndimorë, sikurse edhe individë për biznes apo investime, Shqipëria ka nisur të jetë gjithnjë e më e hapur, sipas autorëve, ndaj vizitorëve aventurierë, që gjejnë në të peizazhe të paharrueshme.

Mbërritja:

Krocierat kanë nisur të udhëtojnë në disa nga qytet-portet shqiptare, por përpos këtyre plazheve dhe vijave bregdetare të bukura, qendrojnë edhe pamje alpine, qytete historike dhe kulturë e trashëguar ndër vite. Një hyrje ideale për në këtë shtet do të ishte në kryeqytetin Tiranën. Aeroporti Nënë Tereza është modern dhe i lehtë për të lëvizur, ndërsa ti mund të gjesh shumë hotele të leverdishëm për të qëndruar.

Tirana:

Kryeqyteti ka një ndërthurje të infrastrukturës së vjetër dhe asaj moderne. Qyteti është dëshmi e strukturave osmane, italiane dhe sovjetike. Restorantet ofrojnë ushqime nga më të ndryshme, ku dominon mishi. Edhe kafet janë të shumta. Dy pika kryesore janë Xhamia e Ethem Beut dhe Parku Kombëtar i Dajtit.

Shkodra:

Me anë të një makine me qira ose udhëtimit interurban, ju mund të shkoni më në very, Shkodra, një ndër qytetet më të vjetër të Shqipërisë. Ka një pamje ikonike, rrugë të bukura, kala magjepsëse dhe liqen i pastër. Kalaja dhe Marubi ofrojnë eksperiencë historike mbrësëlënëse.

Qytetet bregdetare:

Në vijë të Adriatikut gjer në Jon, bukuria natyrore e Shqipërisë është e madhe dhe zgjatur. Udhëtarët sugjerojnë të vizitohesh patjetër Vlora, po ashtu Durrësi, Saranda etj.

Eksplorimet në male:

Alpet shqiptare ofrojnë mundësi të arta për turistët në Europë, pyjet e të cilit, urat e vjetra dhe pamjet mahnitëse kanë surprizuar të gjithë. Shumë nga ato qytete veriore, nuk rezultojnë në guidat apo librat. Por shumë udhëtime të tilla kanë nevojë për shpirtra aventurierë që të marrin riskun e “të egrës” përsipër.

Pika të tjera interesi:

Kruja është një qytet të stilit Osman, ka rrugë të bukura dhe një treg të vjetër artisanal. Berati, Gjirokastra dhe Butrinti gjithashtu janë tre pika të mbrojtura nga Unesco që ia vlen të vizitohen.

/Monitor/

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale