Toshiba heq dorë nga prodhimi i kompjuterave pas 35 vitesh

Toshiba

Gjigandi japonez Toshiba ka shitur pjesën e fundit të aksioneve të kompanisë që prodhonte kompjuterat, Dynabook. Kjo do të thotë që firma nuk ka më asnjë lidhje me prodhimin e kompjuterave dhe laptopëve.

Sharp bleu 80% të kompanisë Dynabook në 2018 për 36 milionë dollarë. Toshiba ka deklaruar se tashmë ka shitur edhe pjesën tjetër të aksioneve. Toshiba e prodhoi laptopin e parë T1100 në 1985, në Evropë. Ai peshonte rreth 4 kilogramë dhe punonte me një disk 8.8 centimetra.

Toshiba

Në 2011-n Toshiba shiti më shumë se 17 milionë kompjuterë, por në 2017-n shitjet ranë në 1.9 milionë, raportoi Reuters asokohe.

Në 2016-n, kompania u fokusua në prodhimin e pajisjeve hardware për bizneset. Vitet e fundit Toshiba ka pasur probleme të shumta ekonomike. Në 2015 shënoi një humbje prej 318 milionë dollarësh.

Në të njëjtin vit presidenti dhe zv/presidenti i saj dhanë dorëheqjen pasi një panel i pavarur zbuloi se kompania kishte mashtruar lidhur me fitimet e saj për gjashtë vitet e mëparshme.

Kërkesa për laptopë është rritur në muajt e fundit për shkak të pandemisë Coronavirus dhe karantinës globale, por në përgjithësi, tregu për kompjuterë personalë ka qenë i ashpër për shumë kohë, tha analistja Marina Koytcheva nga firma CCS Insight.

“Vetëm ata që kanë arritur të ruajnë madhësinë dhe çmimin (si Lenovo), ose kanë një markë premium (si Apple) kanë pasur sukses në tregun e pafalshëm të PC, ku vëllimet kanë rënë prej vitesh,” tha ajo.

BBC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale