Tony Robbins ju tregon si të keni vetëbesim


Për Tony Robbins, vetëbesimi dhe suksesi nuk është një mentalitet, është një gjendje fizike e qenies.

Qëndrimi i duhur dhe kujdesi për trupin tuaj mund të jetë një katalizator suksesi, tha autori dhe folësi motivues i njohur botërisht gjatë një bisede në skenë në konferencën vjetore të revistës “Fortune”.

Për ta demostruar këtë, Robbins i kërkoi audiencës të përshkruante se si duket një njeri në depresion. Turma u përgjigj me “kokëulur”, “i urtë”, “i ndjeshëm”, etj. Robbins tha se nëse ai person do të ndryshonte qëndrimin dhe sjelljen e tij të keqe, ai ose ajo do të bëheshin më të lumtur dhe më të sigurt te vetja.

“Shumë njerëz mundohen të ndryshojnë mendjen… por kur ndryshoni qëndrimin e trupit, ju ndryshoni biokiminë, gjendja juaj ndryshon dhe kështu përmirësoheni”, tha ai. “Unë vërtetë besoj se për këtë arsye unë kam arritur deri këtu: unë e vendos veten në gjendjen ku trupi im është i balancuar dhe i çliruar”.

Strategjia nuk shtrihet vetëm tek mirëqenia mendore, argumentoi Robbins: Përmirësimi i gjuhës së trupit mund të çojë në përmirësimin e performancës.

I vetmi faktor që përcakton suksesin është gjendja fizike e qenies.”Unë duhet të ndryshoj momentumin”, tha Robbins – ” dhe mënyra e parë për ta bërë këtë është fizikisht”.

Gjatë bisedës, autori i bestsellerëve të New York Times, Unshakeable and Money: Master the Game tha se motivimi i tij për sukses ishte pjesërisht i shkaktuar nga edukimi i tij i ashpër. Robbins përshkroi varësinë e nënës së tij ndaj drogës dhe sjelljen e saj abuzive në detaje, por tha se vuajtja që përjetoi e bëri atë të dëshirojë të zvogëlojë vuajtjet e njerëzve të tjerë.

“Nuk më interesojnë paratë; më intereson ndryshimi i jetës së njerëzve,” tha ai.

Robbins gjithashtu zbuloi një luks që ai bleu kur filloi të bënte para të mëdha: një Mercedes.

/Time

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale