Timak, mes vështirësish përgatit autoambulancat për Ukrainën - Business Magazine Albania

Timak, mes vështirësish përgatit autoambulancat për Ukrainën

Timak

Një kompani e vogël në Shqipëri po punon për të plotësuar kërkesën e lartë për ambulanca për Ukrainën. Kompania Timak ka marrë tashmë porosinë e parë, nga disa të tilla, për ambulancat që agjencitë qeveritare synojnë t’i dërgojnë në Ukrainë, por po has vështirësi për përgatitjen e tyre.

Me një personel prej 14 personash, kompania Timak ka marrë porosinë për të përgatitur deri në 500 ambulanca, por ajo përballet me problemet e furnizimit të pamjaftueshëm me automjete që mund të konvertohen në autoambulanca.

“Kërkesat kanë qenë për 500 autoambulanca, ambulanca të blinduara, por është problemi i shasive që nuk gjenden tani. Dhe pas kësaj ka një kërkesë tjetër për 42 dhe 50 të tjera”, thotë Arjeta Puca, pronarja e fabrikës së ambulancave të firmës Timak.

Punonjësit marrin furgonë të rinj të markës Ford dhe u instalojnë fenelina blu, sirena, bombola oksigjeni dhe mjete të tjera.

11 ambulancat e para u porositën nga një agjensi e OKB-së. Kur të përfundohen, ato do të transportohen për në Poloni dhe në vazhdim në Ukrainë.

Lexo: Koleksioni i parë i modës në botë krijuar nëpërmjet një smartfoni

Oferta fillestare ndoshta nuk ishte shumë e favorshme nga pikëpamja komerciale, si dhe u paraqit në një kohë shumë të shkurtër. Por, zonja Puca thotë se u ndjenë të detyruar ta pranonin.

“Na dhanë një buxhet shumë të caktuar. Normalisht nuk është një buxhet për t’u pranuar për të prodhuar autoambulanca, sidomos në një kohë shumë të shkurtër. Normalisht kemi dëshirën të kemi kontributin tonë për Ukrainën dhe e pranuam. Është një gjë për të cilën nuk mendohet vetëm pjesa e parave”, thotë ajo.

Megjithë ngarkesën e lartë në punë, punonjësit thonë se po bëjnë ç’të munden për ta përmbushur këtë nevojë.

“Ndjejmë atë ç’po ndodh atje dhe po punojmë me pasion këtu që t’i bëjmë gati ambulancat për Ukrainën”, thotë Izet Bytyçi, marangoz në kompaninë “Timak”.

Që kur Rusia sulmoi Ukrainën, Shqipëria, një vend anëtar i NATO-s, u është bashkuar vendeve evropiane që kanë vendosur sanksione ekonomike dhe ua ka ndaluar aeroplanëve rusë që të fluturojnë në hapësirën e saj ajrore.

VOA

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0