Thirrje e hapur për pjesëmarrës: PlayUK 2020

Thirrje e hapur për pjesëmarrës PlayUK 2020


Nëse jeni krijues lojërash ose zhvillues programesh teknike, apo një profesionist që aspiron mediet ndërvepruese dhe imersive, mos e humbisni PlayUK! 

Nga data 20 deri më 25 janar 2020, në PlayUK Beograd, mund të merrni pjesë në punëtori dhe Master klasa nga studiot dhe profesionistëve më të mirë britanik të lojërave të pavarura. Zhvilloni shkathtësitë tuaja në dizajn narrativ, UI/UX, art, programim dhe shumë të tjera, hapuni ndaj trendeve më të reja në skenën e lojërave në MB dhe zhvilloni rrjetin tuaj profesional me të tjerë persona nga rajoni.

British Council në partneritet me Nordeus Hub dhe SGA (Shoqata Serbe e Lojërave) fton të gjithë zhvilluesit e lojërave, artistët digjitalë dhe krijuesit nga rajoni i Ballkanit Perëndimor (Shqipëria, Bosnje dhe Hercegovina, Kosova, Maqedonia dhe Mali Zi) të aplikojnë dhe të marrin pjesë në PlayUK. Deri në pesë vende ofrohen për përfaqësuesit e secilit vend.  Në këmbim, kërkohet kreativitet, ide, ekspertizë dhe ambicie profesionale për ta nxitur atmosferën e të nxënit në sesionet tona të rrjetëzimit dhe edukimit.  Kaloni një javë kreative në Nordeus Hub në Beograd, ne do të organizojmë dhe mbulojmë udhëtimin, akomodimin dhe ushqimin për ju. Po ashtu, do të mirëpresim deri në 5 përfaqësues nga rajoni i Evropës dhe Azisë Qendrore (Turqia, Ukraina, Rusia, Kazakistani, Uzbekistani, Gjeorgjia, Armenia, Azerbajxhani). Së bashku, do t’i avancojmë projektet tuaja një nivel më tej!

Lexo: Ambasada Amerikane sjell trajnimin për mësues dhe administratorë të arsimit të mesëm

PlayUK është platformë e British Council që ka për synim të mbështesë ndërveprimin e kreativitetit me teknologjinë, ofron qasje në shkathtësi dhe njohuri të reja, paraqet dhe fuqizon rrjete të artit dhe teknologjisë, dhe ofron përvoja të reja për publikun. Përmes krijimit të lidhjeve në mes profesionistëve të artit dhe TI-së nga MB-ja dhe vendet e Ballkanit Perëndimor, ky program eksploron tema si kodimi, lojërat, realiteti virtual, realiteti i augmentuar, animimi, mediet imersive, informatika krijuese, dizajni narrativ, duke krijuar një lidhje unike mes profesionistëve kreativë dhe atyre të TIK-ut dhe sektorëve përkatës.

British Council

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0