Sipas studiuesve planeti i kuq ka një bërthamë të dendur hekuri të lëngshëm të rrethuar nga një shtresë relativisht e hollë shkëmbi të shkrirë. Zbulimi zgjidh një enigmë të kohëve të fundit, që erdhi kur matjet sizmike në Mars dukej se sugjeronin se planeti kishte një bërthamë cuditërisht të madhe dhe të lehtë të pasur me elementë me densitet të ulët.
Pamja e re, e përshkruar në dy studime në 26 tetor, tregon se planeti është i përbërë nga materiale të zakonshme në sistemin diellor në kohën kur Marsi u formua. Një bërthamë më e lehtë do të kërkonte një përzierje elementësh, që nuk do të përputheshin me përmasat e pluhurit dhe mbeturinave që përfundimisht u bënë sistemi diellor.
Studiuesit arritën në përfundimin e strukturës së brendshme të Marsit duke studiuar valët sizmike të zbuluara me tokëzuesin InSight të Nasa-s.
Valët që reflektonin nga shtresa e shkëmbinjve të shkrirë fillimisht u interpretuan si kërcim nga skaji i jashtëm i një bërthame me një rreze prej rreth 1,800km dhe një densitet prej 6,200kg për metër kub. Hulumtimi i ri shtoi të dhëna nga valët sizmike që zhyten në atë shtresë të shkrirë për të zbuluar zemrën e vërtetë të planetit.
Bërthama ka një rreze afërsisht 10% dhe një densitet më të lartë se sa është raportuar më parë.
Një kuptim më i mirë i Marsit ka implikime shumë përtej Planetit të Kuq. Marsi dhe Toka ishin shumë të ngjashme kur u formuan për herë të parë, megjithatë në një moment këta dy planetë u ndanë dhe Marsi tani nuk është i banueshëm, ndërsa Toka është. Prandaj, të kuptuarit se si ka ndodhur kjo divergjencë mund të na tregojë shumë për planetin tonë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
