Të financosh biznesin tënd sipas modeleve shqiptare

Të financosh biznesin tënd sipas modeleve shqiptare

Të financosh një biznes të suksesshëm në Shqipëri nuk është gjithmonë e lehtë. Në eventin e organizuar nga UK Albania Tech Hub, me mbështetjen e Business Mag Albania, dhjetëra të rinj u njohën me sfidat e sipërmarrjes dhe mundësitë konkrete për mbështetje. Nën drejtimin e Anisa Berishës, kordinatore projekti, folësi i parë ishte Mark Crawford, Kryetar i Dhomës Amerikane të Tregtisë në Tiranë.  Z. Crawford është një qytetar amerikan, i vendosur në Shqipëri, ku mbikëqyr interesa të shumta ndërkombëtare të biznesit. 

Ai ndau eksperiencat e tij në përfitimin e fondeve si drejtues i 9 kompanive të ndryshme.  Z. Crawford i siguroi të rinjtë se mundësitë ekzistojnë edhe në tregun e vogël të Shqipërisë. “Fillo, dështo dhe përshtatu me realitetin. Vetëm kështu mund të arrish sukses”. Gjërat po përmirësohen, ju duhet vetëm të jeni të duruar, por dhe këmbëngulës. Sipas tij, prania e qeverisë do të ishte një shtysë në përshpejtimin e këtij procesi. “Duajeni atë që bëni dhe bëni atë që dini”, këshilloi Mark.

Një tjetër sipërmarrës i suksesshëm, i orientoi pjesëmarrësit drejt burimeve të mundshme të financave. Folës në event, Dritan Mezini është themeluesi i kompanisë DM Consulting Services në Shqipëri dhe në Kosovë. Ai është gjithashtu krijues i portalit të punësimit online duapune.com. “Nuk ka rëndësi vlera, por rruga që ndiqni për të arritur aty”. Aktualisht, format më praktike dhe të njohura në vendin tonë për sigurimin e grandeve janë financimi nga Turma apo crowdfunding, Business Angels, të cilët edhe pse të pakët në Shqipëri janë të gatshëm për të ndihmuar. Janë disa projekte që po implemetohen kohët e fundit nga kompanitë e telekomunikacionit dhe jo vetëm. “Mbështetjet vijnë në forma të ndryshme. Ju duhet fillimisht të dini të shisni idenë tuaj,” tha z.Mezini.

SuperGeneration, një iniciativë nga Albtelecom, është një nga ato kompeticione që ofron trajnim dhe mbështetje monetare të startupeve shqiptare.

“SuperGeneration u drejtohet të gjithë të rinjve që janë të frymëzuar nga teknologjia, kanë shpirt sipërmarrës dhe do të jenë nesër novatorët që do të çojnë përpara shoqërinë tonë,” tha gjatë prezantimit të saj Jonilda Filipi, Drejtoreshë e Departamentit të Çështjeve të Koorporatës. Këto projekte, janë mundësi të arta për të gjithë të rinjtë që duan të sjellin risi në fusha si Programim, Teknologji Blockchain etj.

Rastet e suksesit në vendin tonë tregojnë që asgjë nuk është e pamundur. Për Alen Saqe, folës në event dhe bashkëthemelues i platformës Dentem, sipërmarrja nuk ka një formulë të caktuar, por është një rrugëtim. Aktualisht Dentem është zhvendosur në Toronto, por shërbimin e ofron për të gjithë stomatologët nga çdo vend i botës. Në fazën startup, kjo platformë është mbështetur nga dy akseleratorë Yunus Social Business dhe ABC.

Shkëlzen Marku, bashkëthemelues i Yunus Social Business, preku rolin e investitorit. Hap!de është një projekt i Fondacionit Yunus Social Business, i cili ofron akselerim dhe mbështetje financiare për bizneset me impakt. Ky projekt i ideuar nga z. Marku krijon një partneritet të ndryshëm nga sistemi bankar. “Startup-i është një organizëm në kërkim të një modeli,” tha ai, “Dhe ne jemi këtu për të krijuar modele”. Mjafton që produkti juaj të jetë i besueshëm e të tregoheni bashkëpunues me investitorin. Ky është hapi i parë për të monetizuar produktin apo shërbimin tuaj”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0