Edhe ujërat që nuk marrim nga rrjeti i ujësjellësit do të paguhen. Projektiligji i mbërritur së fundi në Kuvend pritet të sanksionojë nismën për të paguar edhe për puset e ujit. Fokusi janë të gjitha bizneset që shfrytëzojnë ujërat nëntokësorë me puse. Sipas projektilgjit, sipërmarrjet duhet t’i formalizojnë përmes vetëdeklarimit.
Operatorët kanë 6 muaj kohë për të deklaruar puset që shfrytëzojnë, me hyrjen e ligjit në fuqi, në rast të kundërt do të përballen me sanksione.
Projektligji thekson se, ‘në nenin 66 propozohen disa ndryshime dhe shtesa, nisur nga problematika aktuale, ku një numër i madh subjektesh fizike apo juridike kanë hapur puse për shfrytëzimin e ujërave nëntokësore, ka lindur nevoja e formalizimit të kësaj veprimtarie nëpërmjet lehtësimit të procedurave të formalizimit të tyre. Subjektet që vetëdeklarojnë veprimtarinë e tyre brenda afatit të përcaktuar nuk do të ndëshkohen për kundërvajtjen administrative të kryer’’.
Në rast në kundër, ligji parashikon dënime me gjobë, 500 mijë lekë deri në 2 milionë lekë. Ndërkaq, pas miratimit në Kuvend, Këshilli i Ministrave, do të përcaktojë dokumentacionin që duhet të plotësojnë subjektet vetëdeklaruese.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
