Taksat e reja/ Deklarata pasurie kush fiton mbi 1 milion lek. Regjistër me 100 personat më të pasur - Business Magazine Albania

Taksat e reja/ Deklarata pasurie kush fiton mbi 1 milion lek. Regjistër me 100 personat më të pasur

Ministria e Financave ka lajmëruar taksa të reja dhe ndryshime të tjera në taksat ekzistuese. Drafti zyrtar do të publikohet në fillim të qershorit dhe shënjestron kryesisht profesionistët e lirë, por ndërhyrjet do të prekin edhe kategori të tjera.

Një pjesë e rëndësishme e ligjit të ri për tatimin mbi të ardhurat që Financat do të lançojnë së shpejti lidhet me taksimin e të vetëpunësuarve që ofrojnë shërbime, që deri më tani kanë përfituar nga përjashtimet duke u kategorizuar si biznes i vogël.

Me nismën e re, Financat tërhiqen nga lehtësitë për këtë kategori duke pranuar se kanë shkaktuar deformime dhe deklarojnë se këta tatimpagues tashmë do t’i nënshtrohen një taksimi progresiv si për të punësuarit apo një tatimi fiks, por nuk përjashtohen as variante të tjera të taksimit të tyre.

Korrigjime do të bëhen edhe për deklarimin individual të të ardhurave. Aktualisht, deklaratën vjetore të të ardhurave e plotësojnë dhe individët me të ardhurave 2 milionë lekë në vit, por me ligjin e ri ky prag mund të ulet më tej, duke bërë që më shumë të punësuar të deklarojne te ardhurat.

Lexo edhe: Si pritet të funksionojnë taksat e reja për të vetëpunësuarit

Veç deklaratës vjetore të të ardhurave, rishikime pritet të ketë edhe për taksa të tjera që lidhen me të ardhurat personale si për dividentin apo interesat që përfitohen nga sistemi bankar, edhe pse nuk ka ende detajime se si këto tatime do të ndryshojnë krahasuar me ligjin aktual.

Paralajmërime janë bërë edhe për verifikimin e të ardhurave dhe nivelit të jetesës, nëse të ardhurat që përfitojnë individët justifikojnë apo jo shpenzimet e tyre.

Administrata Tatimore ka planifikuar ngritjen e një regjistri me personat më të pasur në vend, ku lista këtë vit sipas programit afatmesëm ekonomik të qeverisë do të nisë këtë vit pritet të nisë me 100 më të pasurit, për t’u shtuar më pas në vitet në vijim. Për këtë njësia Antiinformalitet do bashkëpunojë me autoritete të tjera si Policinë, Drejtorinë e Transporteve, Kadastrën apo Drejtorinë e Parandalimit të Pastrimit të Parave për identifikimin e këtyre personave, megjithatë duket se procesi do të marrë kohë për realizimin e tij.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0