Supernova Shqiptare, spektakli më i madh i muzikës


Qindra të rinj e të reja kanë aplikuar për t’u bërë pjesë e kompeticionit Supernova Shqiptare, i pari në mbarë vendet shqipfolëse, i cili mbahet në Kosovë dhe drejtohet nga kantautori dhe këngëtari i njohur shqiptar, Diamant Sinanaj.

Supernova Shqiptare është një projekt që ka hapur dyert për 200 artistë të rinj, të cilët kanë aftësi të veçanta në këndim. Supernova Shqiptare, në javën e parë të daljes në publik ka pranuar më shumë se 600 aplikime dhe prej tyre, vetëm në fazën e parë janë zgjedhur 27 pjesëmarrësit më të dalluar. Ekipi i Supernovës Shqiptare, me producentë dhe kompozitorë profesionalë, tashmë veçse ka filluar punën me ta.

Sipas Diamant Sinanaj, kryesuesit të eventit, për secilin prej 200 pjesëmarrësve që bëhen pjesë e spektaklit, do të kompozohet nga një këngë dhe kover i ri origjinal.

Shuma totale që do të shpenzohet për këtë projekt është 600 mijë euro. Por, theksohet se për garuesit gjithçka do të jetë falas. Që nga aplikimi për pjesëmarrje e deri në fund të projektit ata nuk do të kenë asnjë obligim financiar.

“Kemi pasur raste kur garuesit na kanë dërguar video shumë të mira nga aspekti i këndimit, por e kemi vërejtur që nga ana teknike shumica prej tyre nuk i kanë mundësitë financiare për të shfaqur talentin e tyre”, shprehet Diamanti.

Spektakli është ndarë në disa faza. Faza e parë përfshin mbledhjen dhe seleksionimin e 200 pjesëmarrësve. Faza e dytë përbëhet nga implementimi i këngëve dhe koverave. Dhe në fazën e tretë, e cila mendohet të fillojë në Janar të vitit 2020, spektakli do të transmetohet para audiencës.

Një risi që sjell Supernova Shqiptare është krijimi i një aplikacioni mobil ku profilet e pjesëmarrësve do të vendosen aty dhe publiku do të ketë mundësi të shkarkojë aplikacionin dhe të votoj për garuesin e preferuar. Në këtë aplikacion, secili garues do të ketë të vendosur këngën dhe koverin e tij.

Në këtë rast, për zgjedhjen e fituesve, nuk do të vendosë juria, por publiku, sipas Diamantit.

Shpërblimet:

Përveç këngëve dhe klipeve që ofrohen për pjesëmarrësit nga studioja Diverse Music, çmimi kryesor për vendin e parë arrin vlerën 50.000 euro, sipas Diamant Sinanaj. Gjithashtu do të ketë edhe shumë supriza tjera në netët finale të spektaklit.

Ndiqni faqen në facebook Supernova Shqiptare për  informacione të reja.

Faza e dytë e aplikimeve do të hapet në fillim të muajit korrik.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale