Paketim me gjethe bananesh në vend të paketimit plastik
Përditësuar së fundmi: 06/06/2019

Supermarketet në Azi, paketim me gjethe bananesh në vend të qeseve plastike

Share
nga Ornela Trupja
Qer 06, 2019


Supermarketet në Vietnam kanë miratuar një iniciativë nga Tajlanda, e cila bën të mundur paketimin me gjethen e bananes në vend të plastikës. Supermarketi, i cili e inicioi këtë mënyrë paketimi ndodhet në Chiangmai, Tajlandë.

Ky supermarket u lavdërua nga Facebook për paketimin eko-miqësor, pasi një firmë lokale e paraqiti atë në faqen e saj javën e kaluar. Kjo ide ka tërhequr vëmendjen e supermarketeve vietnameze.

Zinxhirët e mëdha të supermarketeve në Vietnam, kanë filluar të eksperimentojnë me gjethe bananesh, si një alternativë paketimi në dyqanet e tyre. Procesi është akoma në fazën e testimit, por shumë shpejt pritet të bëhët zëvendësimi i plastikës me gjethe bananesh në mbarë botën. Përveç paketimit të perimeve dhe frutave, zinxhiri i ushqimeve synon gjithashtu të përdorë gjethet për produktet e mishit të freskët.

Konsumatorët e kanë mirëpritur këtë iniciativë të re. Madje thonë se kur shohin një paketim të tillë janë të gatshëm të blejnë sasi të mëdha. Sipas tyre nisma do të ndihmojë vendasit të jenë më të vetëdijshëm për mbrojtjen e mjedisit.

Lexo:  Parlamenti Europian ndalon tregtimin e plastikës një përdorimshe

Por kjo nuk është e vetmja iniciativë ekologjike e ndërmarrë në këtë vend. Big C, një tjetër rrjet supermarketesh, ofron çanta të bëra me pluhur misri. Për Vietnamin, i cili është vendi i katërt në botë për mbetje platike, të tilla projekte përbëjnë një rëndësi të madhe. Një raport i kohëve të fundit theksoi sasinë e pabesueshme të mbetjeve plastike të gjeneruara nga vendasit, duke krijuar 2,500 ton mbeturina plastike në ditë.

Supermarketet në Singapor kanë filluar gjithashtu fushatat për informimin e publikut për të zvogëluar përdorimin e qeseve plastike. Ndërkohë, dyqanet e Tajvanit po dekurajojnë përdorimin e tyre.  Kina ka patur një rënie me 66% të përdorimit të qeseve plastike në dekadën e fundit.

NextShark