Suedia dhe Shqipëria firmosin marrëveshjen për bashkëpunim dhe zhvillim

Suedia dhe Shqipëria firmosin marrëveshjen për bashkëpunim dhe zhvillim


Zëvendëskryeministri Niko Peleshi dhe i ngarkuari me punë i ambasadës suedeze Johan Ndisi nënshkruan sot një marrëveshje bashkëpunimi për zhvillim, në mbështetje të reformave kryesore drejt zhvillimit ekonomik, forcimin të demokracisë dhe një mjedisi më të mirë dhe në harmoni me axhendën e integrimit të Shqipërisë në BE.

Marrëveshja e nënshkruar sot do të zbatohet deri në vitin 2020 dhe ofron kornizën për bashkëpunim dhe zhvillim mes qeverisë suedeze dhe asaj shqiptare.

Mbështetja vetëm në vitin 2016 arrin në vlerën e rreth 7.5 milion euro. Strategjia suedeze që udhëheq bashkëpunimin, identifikon tri fusha kryesore të mbështetjes: zhvillimin ekonomik për të promovuar integrimin në BE, për të drejtat e njeriut, qeverisjen demokratike e barazinë gjinore dhe mjedisin e klimën.

Suedia ka dhënë mbështetjen e saj edhe në fusha të tjera duke u përqendruar në rritjen e turizmit të qëndrueshëm, me synimin për të nxitur zhvillimin ekonomik.

Pas ceremonisë së nënshkrimit të marrëveshjes, zëvendëskryeministri Peleshi theksoi rëndësinë e bashkëpunimit suedez për zhvillim me qeverinë shqiptare.

“Suedia ka mbështetur fuqimisht qeverinë në përpjekjet e saj për të forcuar qeverisjen demokratike, reformat institucionale të orientuara drejt standardeve evropiane, si dhe zbatimin e të drejtave themelore të njeriut, si dhe për të krijuar kushte për një rritje të qëndrueshme afatgjatë duke mbrojtur resurset natyrore të Shqipërisë”, tha Peleshi.

I ngarkuari me punë i ambasadës suedeze Ndis shtoi se Suedia do të vazhdojë të mbështesë në procesin e reformave në Shqipëri.

/Gazeta Shqip/

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0