Në vitin 2021, përjetuam ndryshime në fuqinë punëtore që nuk i kemi parë në dekada. Punonjësit po i japin përparësi asaj që ka vërtet rëndësi për ta, vlerësojnë trajtimin e barabartë dhe po ndajnë punën dhe jetën e tyre personale në një mënyrë krejtësisht të re.
Me hapjet e vendeve të reja të punës, që arriten në afro 11 milionë në Dhjetor dhe normat e largimit mbeten afërsisht të njëjta, nuk ka dyshim se Dorëheqja e Madhe na ka ndjekur në vitin 2022. Pra, çfarë mund të bëjnë punëdhënësit për të tërhequr dhe mbajtur talentet gjatë këtij ndryshimi?
Për të zbuluar se çfarë po ndikon në lëvizjet e punonjësve këtë vit, Lever, një grup për “gjuajtje” talentesh, së fundi publikoi: Gjendja e Lëvizshmërisë së Brendshme dhe Raporti i Mbajtjes së Punonjësve. Studimi anketoi 1200 të rritur të punësuar me kohë të plotë në SHBA për të zbuluar se si punëdhënësit mund të tërheqin dhe mbajnë më mirë punëtorët ndërsa mungesat e fuqisë punëtore vazhdojnë deri në vitin 2022.
Punonjësit kanë nevojë për mbështetje në fleksibilitetin e karrierës
Me Dorëheqjen e Madhe, dy në pesë punonjës planifikojnë të qëndrojnë në kompaninë e tyre për më pak se një vit, ky numër është shumë më i lartë për Gen-Z, me 65 përqind të punonjësve që planifikojnë të qëndrojnë për më pak se një vit. Për më tepër, gati gjysma (41 përqind) e punonjësve që planifikojnë të qëndrojnë në kompaninë e tyre do të kërkojnë një ndryshim roli në vendin e punës këtë vit, duke shpresuar të fitojnë më shumë fleksibilitet dhe ekuilibër punë-jetë. Ky ndryshim është aq i rëndësishëm për punonjësit sa që gati një e treta (31 përqind) do të merrte një ulje të pagës për të qenë në gjendje të kalonin në një rol tjetër.
“Ndërsa ndikimi i lartë, mundësitë dhe kultura kanë mbretëruar si motivues për mbajtjen dhe tërheqjen e talenteve, ka pasur një ndryshim të rëndësishëm,” tha Nate Smith, CEO i Lever. “Punonjësit e vlerësojnë fleksibilitetin më shumë se kurrë, kjo përfshin përshtatjen më të mirë të vendndodhjes së tyre me stilin e tyre të jetesës, lëvizjen e roleve brenda një kompanie dhe mësimin e aftësive të reja që do të përshpejtojnë trajektoren e tyre të karrierës.”
Duke parë dallimet e gjeneratave, Millennials (15 përqind) janë më të ndikuar nga lëvizshmëria e brendshme, ndërsa Gen-Z (17 përqind) ndikohen nga mundësitë për të krijuar rolin e tyre në organizatë. Për këto breza të rinj, që tani po sundojnë fuqinë punëtore, fleksibiliteti i karrierës mund të jetë një faktor i favorshëm për të qëndruar në kompaninë e tyre këtë vit.
Punonjësit kanë nevojë për drejtues që heqin pengesat në lëvizjen e brendshme
Fleksibiliteti i karrierës është një diferencues i qartë për mbajtjen e punonjësve, por ne ende po gjejmë pengesa që pengojnë lëvizshmërinë e brendshme. Një pengesë kryesore që mund të ndikojë në mbajtjen është komunikimi rreth këtij fleksibiliteti. Më shumë se një e pesta (21 përqind) e punonjësve nuk mendojnë se mund të diskutojnë hapur lëvizjen në një rol ose departament tjetër me menaxherin e tyre (duke përfshirë 37 përqind të punonjësve të Gen-Z). Kjo mund të jetë për shkak se një e treta (33 përqind) besojnë se kompania e tyre nuk inkurajon ndryshimin e roleve ose departamenteve brenda organizatës.
Përtej dëshirës së tyre për mbështetje të qartë për ndryshimet e brendshme të roleve, një në tetë (13 përqind) punonjës nuk di me kë të flasë brenda organizatës së tyre për mundësitë e lëvizshmërisë së brendshme. Kjo është shqetësuese, pasi më shumë se dy të tretat (67 përqind) e punonjësve do të linin punën e tyre nëse kompania e tyre nuk do të lejonte lëvizshmërinë e brendshme.
Udhëheqësit duhet të kuptojnë se çfarë i motivon punonjësit e tyre aktualë dhe të ardhshëm
Gen-Z mund të zgjedhin të jenë në një vend të caktuar pune jo domosdoshmërisht prej rrogës. Ndërsa 48 për qind e të gjithë punëtorëve me kohë të plotë do të preferonin të ishin në një kompani që i paguan më shumë, 39 për qind më mirë do të kishin një ndjenjë qëllimi në punë. Megjithatë, për Gen-Zs, 42 për qind do të preferonin të punonin në një kompani që u jep atyre një ndjenjë qëllimi.
“Të kuptuarit e motivuesve për individë të ndryshëm është kritike për punëdhënësit që kërkojnë të tërheqin talente gjatë Dorëheqjes së Madhe,” tha Smith. “Të jesh në gjendje për të përafruar qëllimet e secilit kandidat me mundësitë në kompaninë e tyre, u jep rekrutuesve një hap përpara në procesin e punësimit.”
Ndërsa nuk e lamë pas dorëheqjen e Madhe vitin e kaluar, ka mënyra të qarta që kompanitë të mbajnë më mirë punonjësit. Përqendrimi në mbajtjen e talentit si pjesë e organizatës suaj, në vend të roleve të tyre aktuale, mund të shpërblehet me punonjësit besnikë për një kohë të gjatë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
