Stina.al – Njihuni me portalin më të ri E-commerce në Shqipëri


 

Përse Stina.al?

Kur pyetëm themeluesit e këtij startup-i, për zanafillën e emrit, përgjigja ishte se nuk ishte aspak e lehtë për të arritur këtu. Një pjesë e madhe e domain-eve në internet të lidhura me e-commerce apo shitjet online ishin të zëna.

Megjithatë, emri i përzgjedhur ka një domethënie dhe lidhje të drejtpërdrejtë me gamën e produkteve dhe tipin e përvojës që kjo markë e re ofron…

Produktet që ofrohen janë kryesisht ne sektorin e veshmbathjeve, këpucëve, aksesorëve për femra, meshkuj dhe fëmijë. Tek Stina.al cilido, qoftë i rritur në moshë të re apo të vogël, mund të ndryshojë garderobën e vet së bashku me ndryshimin e stinës. Pra, ka larmi produktesh të prezantuara në koleksionet plot stil të markave FLO, LTB, Elle dhe Penti.

Numri i këtyre markave pritet të rritet në të ardhmen dhe për këtë është menduar duke përgatitur një portal e-commerce me një system menaxhimi fleksibël.

Nëse do të futeshim të klikonim tek www.stina.al mund të shohim se website prezantohet me pastërti dhe ofron thjeshtësi në navigim për përdoruesit. Mund të vihet re, se pavarësisht se nga cili ekran apo pajisje e viziton website, paraqitja vizuale është optimale. Edhe ne, si vizitorë për herë të parë, arritëm të orientoheshim pa problem drejt proçesit të porosisë online.

Për ta përshkruar shkurtimisht, cikli i plotë i proçesit ishte:

1 – Zgjidh produktin me opsionet e dëshiruara të masës dhe ngjyrës së preferuar

2 – Shtoje në shportë

3 – Shko tek shporta për ta porositur dhe kërko të përfundosh porosinë

4 – Në këtë hap kërkohet të plotësosh të dhënat e kontaktit në një formë të shkurtër.

5 – Përfundo porosinë duke krijuar një llogari ose dhe pa krijuar llogari.

Pas kësaj personeli i stina.al do të vihet në kontakt me ju për t’jua sjellë porosinë aty ku ju dëshironi, duke proceduar me pagesën cash në momentin e dorëzimit.

Në bisedë me menaxherët e portalit, mbi formën e pagesës, ata kanë vendosur të fillojnë vetëm me këtë opsion dhe në periudhën në vazhdim duke mbledhur feedback nga konsumatorët do të ndjekin hapat për t’ju përgjigjur me menyra të tjera proçesimi pagese.

Nga ana e stafit të Business Magazine Albania, i urojmë suksese në këtë rrugë të sapo nisur këtij startup-i në fushën e shitjeve online.

Në bazë të statistikave globale shitjet online, tregtia e-commerce, do të njohin veç rritje në vitet në vazhdim. Edhe të dhënat e shitjve online në Shqipëri flasin për progres po ashtu, kjo bazuar edhe nga intervistat mbi E-commerce në Shqipëri, që kemi marre para disa kohësh në numrin e Nëntorit të Business Magazine.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale