Shumë shpresa për një kthim në jetën normale pas pandemisë së COVID-19 lidhen me gjetjen e vaksinës, por përdorimi i injeksioneve ka kufij, pasi është më vështira që të vendosen në zona rurale me të ardhura të ulëta, ku nuk ka asnjë garanci për shpërndarje të lehtë të tyre. Shkenca mund të ofrojë një alternativë më të arritshme. Studiuesit e Universitetit Columbia kanë zhvilluar një spraj për hundën, që ka parandaluar me sukses infeksionet COVID-19 dhe që është testuar te qelbësit si dhe si një model 3D i mushkërive të njeriut.
LEXO: Sistemi i kamerave termike Dahua për parandalimin dhe kontrollin e pandemisë COVID-19
Lipopeptidi (një kombinim lipoidesh dhe peptidesh) parandalon koronavirusin të shkrihet me membranën e një qelize të synuar, duke bllokuar një proteinë kyçe për të përvetësuar një formë të nevojshme. Spraji duhet të funksionojë menjëherë dhe efekti të zgjasë të paktën 24 orë. Është gjithashtu i përballueshëm financiarisht, jeton gjatë dhe nuk ka nevojë për t’u vendosur në frigorifer. Një spraj i tillë është një nga mënyrat e mbrojtjes e arritshme nga masa e njerëzve, megjithatë nevojiten ende prova klinike njerëzore, për të kaluar në prodhim në shkallë të gjerë të tij.
“Ky veprim mund të sjellë mbrojtje nga infeksioni në shumë pjesë të botës, ku vaksinimet masive ndaj COVID-19 do të ishin të vështira. Ai mund të shërbejë gjithashtu si një “mbrojtje plotësuese” edhe në vendet ku vaksinat janë në dispozicion”, thanë studiuesit kryesorë Anne Moscona dhe Matteo Porotto. Njerëzit që nuk mund të marrin vaksina, ose ata për të cilët vaksinat nuk funksionojnë, mund të spërkasin veten çdo ditë me këtë spraj, duke e ditur se kështu do të ishin të sigurt. Kjo, nga ana tjetër, mund të kufizojë më tej përhapjen e virusit dhe të shpejtojë fundin e pandemisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
