Softmogul, një platformë jo vetëm për menaxhimin e hoteleve


Ai ndryshoi karrige nga dëgjues në spiker, duke u vendosur në vendin e personazhit të suksesshëm. Një rrugëtim që ngjan i thjeshtë brenda sallës së Startup Grind Tirana, por që mbart shumë punë nga ana e Albit për të arritur aty ku ai është sot.

Ende pa i mbushur të 30-at, Albi Zhulali është një ndër sipërmarrësit e rinj më të suksesshëm shqiptar. Softmogul, kompania e tij që ka kapërcyer oqeanin, po ofron zgjidhje të dobishme për menaxhimin e hoteleve në Amerikë dhe tregje të tjera. Pak vite pune, Softmogul numëron rreth 30 të punësuar, me zyra në Shqipëri, Itali dhe SHBA. Fituesi i Mobilitetit të edicionit të pestë ICT Awards, Albi shpalosi rrugëtimin e tij në një intervistë zhvilluar me Gerti Boshnjakun, bashkëdrejtues i Startup Grind Tirana.

Si në shumë raste të tjera, edhe kësaj here, kuptojmë se suksesi nuk është rastësi. Albi, edhe pse nuk ishte i shkëlqyer në mësime, punoi shumë jashtë kurrikulave. Kurioz e kurajoz, nis punën e parë që 16 vjeç në kompaninë e një të afërmi duke zhvilluar software. Pasioni për teknologjinë e bënte të kalonte netë pa gjumë edhe kur hapi biznesin e tij në këtë drejtim.

Gjatë intervistës në Startup Grind, ai tregoi se kishte provuar shumë nisma, para se të “godasë në shenjë” me Softmogul.

Edhe pse jeta e tij ndahet mes Europës dhe Amerikës, Albi zbulon si arrin të menaxhojë kompaninë, së bashku me ortakun e tij, Arnoldin.

Rekrutimi i të rinjve profesionistë ka për kriter vlerat e përbashkëta. Albi tregon se, “në kompaninë tonë nuk ka rëndësi sa di, por sa je në gjendje të mësosh”.

Duke futur format më praktike e moderne të menaxhimit, ai arrin të çojë punën para edhe në distancë. Një format që mund të përdoret nga sipërmarrës të përmasave dhe sektorëve të ndryshëm, është Agile, formë menaxhimi që ju mundëson të delegoni, të respektoni afatet, e të realizoni një punë cilësore.

Por, Softmogul, e kundërta e Microsoft në emërtim, duket se ka rrugë të gjatë e interesante për të bërë. Albi tregon se, nuk do të jetë platforma që menaxhon shërbimet e akomodimit i vetmi shërbim i Softmogul. Sektorë të tjerë pritet të gëzojnë shpejt mundësinë e shërbimeve të vlefshme për menaxhim, nga kompania me bazë në Shqipëri.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale