Snap po planifikon largimin e punëtorëve nga puna, sipas dy burimeve që janë në dijeni me planet e kompanisë. Shkurtimet e planifikuara vijnë pasi kompania së fundmi dha rezultate zhgënjyese të të ardhurave dhe nuk parashikoi të ardhura për tremujorin e tretë. Ky lajm çoi në rënie të çmimit të aksioneve në nivelet më të ulëta të të gjitha kohërave.
Mbetet e paqartë se sa nga 6,000 punëtorët e Snap do të largohen nga puna, pasi menaxherët në të gjithë kompaninë ende janë duke planifikuar shtrirjen e plotë të shkurtimeve për ekipet e tyre. Russ Caditz-Peck, një zëdhënës i Snap, nuk pranoi të komentojë mbi rastin.
Biznesi i Snap është dëmtuar kohët e fundit në dy fronte kryesore: i pari është prezantimi nga Apple i kërkesës “Ask App Not to Track”, të cilin një shumicë e vlerësuar e pronarëve të iPhone kanë zgjedhur “Po”. Kjo e ka bërë më të vështirë për kompanitë si Snap, të shpvrndajnë reklamat e tyre.
Lexo: 8 punët që robotët nuk do të mund t’i bëjnë kurrë
Faktori i dytë është rënia e madhe ekonomike që ka ndëshkuar veçanërisht çmimet e aksioneve të Snap dhe kompanive të tjera që “djegin para”. Snap ka qenë fitimprurës vetëm në një tremujor që kur doli në publik në 2017.
Hera e fundit që Snap kishte bërë largime nga puna ishte viti 2018, kur ende ishin në “lëkundje” nga dizajni i ri i aplikuar në formë jo cilësore. Që atëherë baza e tyre e përdoruesve është ngritur në 347 milionë përdorues ditor, duke e kaluar Twitter-in.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
