Smart Home Lab me konferencën e parë në Kosovë - Business Magazine Albania

Smart Home Lab me konferencën e parë në Kosovë

Smart Home Lab

Smart Home Lab është një program i krijuar nga organizata e diasporës “Autonomia”, në bashkëpunim me Innovation Centre Kosova dhe përkrahur nga CIM/GIZ. Inspirimi për krijimin e kësaj nisme erdhi nga dëshira për të kontribuar në vend dhe për të nxitur interesin e të rinjëve në Kosovë për inxhinieri, teknologji dhe përparimin e këtyre fushave. 

Smart Home do të zhvillojë më 20 prill 2021 edicionin e parë të konferencës “Smart Home & Internet of Things” (online). Disa prej temave që do të shtjellohen në konferencë, përfshijnë: Instalimet Digjitale, Teknologjia DigitalSTROM, Smart City, Economy of Things, Eksperimentet kognitive, Zbatimi i Teknologjisë SMART në ndërtesa, Smart Village, Energjia etj.

-”Vendosëm fillimisht të hedhim hapat e parë në vendlindjen tonë, duke pasur parasysh dhe potencialin e të rinjëve të Kosovës dhe interesimin e madh që ata kanë për risitë, sidomos ato që vijnë nga fusha e teknologjisë. Megjithëse në planet tona të ardhmshme janë të gjithë vendet e Ballkanit.” ,- shprehet Lulzim Veliu në një intervistë për Business Magazine.

Smart Home përfshin të gjitha fushat dhe implementimi i instalimeve digjitale mund të bëhet në çdo ndërtesë. Teknologjia Smart u vjen në ndihmë jashtë mase bizneseve dhe startupe-ve. Në instalimin digjital me bazë teknologjinë DigitalStrom mundësohet kontrollimi i paisjeve nga telefoni, duke mos pasur nevojë për kontrolle individuale dhe më pas me IoT mundësohet rrjetëzimi dhe komunikimi i paisjeve me njëra-tjetrën.

Lexo: Kriptomonedha Bitcoin, Arben Malaj: Duhet pasur kujdes, më shumë një bast se investim real

Planet afatgjatë të Smart Home Lab përqëndrohen në informimin e sa më shumë njerëzve përsa i përket “Smart Home & IoT” dhe shtrirjen e kësaj teknologjie në sa më shume vende. Teksa pyetet për Shqipërinë, Lulzim Veliu thotë se beson që ka shumë potencial dhe presin me padurim që të bëjnë të mundur edhe përparimin e Shqipërisë në këtë fushë.

-” Fillimet nganjëherë nuk janë aspak të lehta, duhet punë dhe përkushtim për të rritur vetëdijësimin e njerëzve për rëndësinë e teknologjisë digitalStrom dhe instalimin digjital. Teknologjitë e reja, siç është digitalStrom janë të një rëndësie të veçantë në ruajtjen e efiçiencës së energjisë dhe shumë pikave të tjera.”.- tregon Lulzim Veliu.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0