Sipërmarrësit gjermanë ulin notën për klimën e biznesit në Shqipëri » Business Magazine Albania – Media Dixhitale dedikuar Sipërmarrjes
Përditësuar së fundmi: 09/04/2019

Sipërmarrësit gjermanë ulin notën për klimën e biznesit në Shqipëri

Share
nga Admin
Pri 09, 2019
Business Magazine Albania constitutes an online periodical publication of business related articles. It is the first of
lexo me teper >

Anketa e përvitshme që bëhet me sipërmarrësit gjermanë në Shqipëri ka përkeqësuar treguesit. Rezultatet e anketës tregojnë se janë ulur pritshmëritë e tyre për ekonominë. Të dhënat e raportuara nga Dhoma Gjermane e Tregtisë, tregojnë se situatën aktuale ekonomike në Shqipëri, 51% e të anketuarve e cilësojnë si të keqe, 36% e vjerësojnë kënaqshëm ndërsa vetëm 13 % thonë se është mirë.

Krahasuar me një vit më parë, janë shtuar mbi 10 pikë përqindje sipërmarrjet që përkeqësuan vlerësimet e tyre. Një vit më parë, vetëm 39% e të anketuarve e mendonin keq situatën ekonomike. Me këtë nivel optimizmi sipërmarrja gjermane në Shqipëri kthehet në gjendjen e pesë viteve më parë.

Edhe në pritshmëritë për situatën ekonomike, anketimi tregon se për 45% të të pyeturve situata nuk do të ndryshojë, 43% mendojnë se do të jetë më keq dhe 13% e mendojnë më mirë.

Vitin e kaluar vetëm 17% e bizneseve parashikonin se situata ekonomike do të ishte më keq, ndërsa 47% e mendonin të pandryshuar.

Në pritshmëritë e tyre për të ardhurat, më pak se 40% e bizneseve mendojnë se do të rriten të ardhurat e tyre.