Sipërmarrës lind apo bëhesh?


Nga Daniel Priestley
Një nga pyetjet më të kërkuara në Google në lidhje me sipërmarrjen është “sipërmarrës lind apo bëhesh”? Për këtë pyetje nuk ka një përgjigje të prerë. Daniel Priestley ka shkruar katër libra për sipërmarrjen dhe ka folur në konferenca në të gjithë botën, krahas udhëheqësve të njohur të biznesit.

Sipas tij lidhur me pyetjen nëse sipërmarrës lind apo bëhesh ai thotë: “ju duhet të keni lindur dhe pastaj të jeni bërë”. Le t’i shtjellojmë të dy aspektet.

                                                                                             Sipërmarrës i lindur

Gjeni atë që ju përshtatet
Të jesh sipërmarrës i lindur nuk do të thotë të lindësh në një mënyrë të veçantë, por bëhet fjalë që të gjesh diçka që është e përshtatshme me natyrën tënde. Çdo sipërmarrës i suksesshëm është një sipërmarrës i lindur. Megjithatë, lajmi i mirë është se nuk ka vetëm një tip sipërmarrësi. Ekzistojnë sipërmarrës në sektorë të ndryshëm si në financë, argëtim, media, software, sport, inxhinieri. Në jetën tuaj ju mund të takoni sipërmarrës me personalitete të ndryshme.

Lexo: Pse një sipërmarrës mund të dalë në pension parakohe?

Sipërmarrësit e suksesshëm mund të jenë tipa që e përqafojnë rrezikun, mund të jenë social, të ndrojtur, konservatorë, optimist ose liberal. Ideja është të përshtateni mirë me personalitetin dhe sipërmarrjen qëudhëhiqni.  Jo secilit mund t’i përshatet çdo lloj sipërmarrje. Një sipërmarrje që i  përshtatet dikujt, mund të mos i përshtatet dikujt tjetër. Pra gjithçka varet nga natyra juaj.

  • Sipërmarrja ka të bëjë me një hap drejt së panjohurës. Disa sipërmarrës ndihen të guximshëm pas një analize të kujdesshme, disa të tjerë ndihen të guximshëm pas një ngjarje që i bën ata të reflektojnë. Por për të qenë i guximshëm, çdo sipërmarrës duhet të dalë herë pas here nga zona e tij e komfortit.
  • Sipërmarrësit e duan shumë atë që bëjnë, dhe këtë nuk e bëjnë vetëm për para. Paratë janë një mënyrë e mirë për të arritur objektivin, por nëse do të bëhet fjalë vetëm për para ata “eleminohen direkt nga loja”. Shumë sipërmarrës fitojnë shumë para pas shumë vitesh përpjekje, por nëse paratë janë motivuesi i vetëm, do t’a keni shumë të vështirë të arrini suksesin që kishit menduar.
  • Një sipërmarrës që synon suksesin, duhet të jetë kokëfortë. Ata duhet të jenë të përqëndruan në arritjen e rezultateve të synuara.

                                                                                             Të bëhesh sipërmarrës
Zhvillimi i aftësive bazë të një sipërmarrësi
Pasi të vendosni se në cilin lloj biznesi do të fokusoheni, në rradhë të parë duhet të dini nëse ky biznes përshtatet me natyrën tuaj. Gjithashtu duhet të kuptoni nëse do të mundeni që me këtë lloj biznesi do të keni ndikim tek të tjerët. Të drejtosh një biznes është një punë komplekse, që përfshin financën, shitjet, komunikimin, pronësinë intelektuale, krijimin e produkteve, kulturën e kompanisë, marketingun, zhvillimin e teknologjisë etj.

Lexo: Pse sipërmarrësit duhet të kursejnë dhe investojnë para?

Sipërmarrësit kanë sukses vetëm nëse rrethohen nga njerëz të aftë dhe që japin produktivitet. Aftësia kryesore e një sipërmarrësi është të arrijë të ndikojë tek të tjerët, t’i bëjë njerëzit të menaxhojnë kohën e tyre dhe të bëhen kreativ.

Rikthehemi tek pyetja, sipërmarrës lind apo bëhesh?
Sipërmarrësit duhet të bëjnë atë për të cilën mendojnë se janë të lindur, më pas duhet të zhvillojnë aftësitë e tyre dhe në fund të përqafojnë vizionin e tyre”.

Forbes

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale