Në ditët e sotme, praktikisht të gjithë kanë të paktën një llogari në mediat sociale dhe shumë prej nesh janë duke i përdorur ato për të na ndihmuar në promovimin e biznesit ose vetes sonë.
Pavarësisht nëse i përdorni rrjetet sociale thjesht për të mbajtur kontakte me miqtë ose për të krijuar një biznes, nëse doni që njerëzit t’i kushtojnë vëmendje asaj që postoni duhet të keni parasysh diçka.
Lexoni: 7 gabimet e përbashkëta në mediat sociale, që kanë kosto për kompaninë
“Mënyra se si të ndërtoni biznesin tuaj dhe mënyra se si të keni një impakt të vërtetë është duke treguar nëpërmjet postimeve histori që tërheqin.”
Përmbajtja juaj konkurron me shumë llogari të tjera dhe nëse dëshironi të vihet re, duhet të rrëmbeni vëmendjen e njerëzve dhe t’u tregoni atyre një histori që tërheq.
Gary, i cili ka 6.4 milionë ndjekës në Instagram, thotë se ekziston një element kryesor për ta bërë këtë me sukses: provokoni një reagim.
“Unë jam i fiksuar me idenë për të gjetur mënyra për të treguar një histori që tërheq vëmendjen tuaj në momentin që nxirrni telefonin dhe eksploroni platformat e ndryshme sociale,” thotë Gary. “Kjo është loja që ne po luajmë. Kjo është ajo në të cilën duhet të përqëndroni energjinë tuaj.”
“Nuk ka të bëjë në të vërtetë me faktin nëse dikush ka kohë për të parë përmbajtjen tuaj apo jo. Bëhet fjalë nëse e shohin atë si interesante apo jo. Edhe pse njerëzit do të ulen me orë të tëra dhe do të shikojnë filma, ata do të futen gjatë gjithë kohës të shikojnë llogaritë e tyre.”
Lexoni: Reduktimi i kohës në mediat sociale me 30 minuta në ditë ul rrezikun nga depresioni
Pra … si të nxisni një reagim? Më poshtë janë disa ide:
- Përdorni humorin
Një imazh me të vërtetë argëtues është i sigurtë që do të tërheqë vëmendjen!
- Frymëzoni audiencën tuaj
(preferohet me arritjet tuaja!)
- Bëjuni përshtypje njerëzve
Vazhdoni dhe mburruni se keni takuar idhullin tuaj, ose se keni ngjitur malin më të lartë.
- Provokoni zemërim ose frikë, por me masë
E mira e kësaj është që të postoni për diçka të diskutueshme, ose përdorni FOMO (frikën e humbjes) në avantazhin tuaj – thjesht përgatituni për reagime negative së bashku me ato pozitive nëse shkoni në këtë rrugë.
- Provokoni një emocion
Lumturia, trishtimi, zemërimi – të gjitha këto emocione do të marrin vëmendjen.
- Surprizoni ose shokoni njerëzit!
Përdorni një kombinim imazhi / caption të papritur, ose diçka të njohur (si një meme ose thënie) dhe përdoreni atë në një mënyrë të papritur.
/burimi: SS
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
