Si të nisësh biznesin tënd në TikTok - Business Magazine Albania

Si të nisësh biznesin tënd në TikTok

Videot e shkurtra në TikTok u mundësojë njerëzve dhe kompanive që të kenë sukses, ndoshta shumë më lehtë sesa në platforma si Facebook dhe Instagram. Për shembull themeluesit e Popls (një etiketë e vogël e vendosur në pjesën e pasme të telefonit që ju lejon të ndani llogaritë tuaja nëpër rrjete sociale thjesht duke afruar telefonat) Nick Eischens dhe Jason Alvarez-Cohen postuan në shkurt një video 13-sekondëshe të dikujt duke përdorur produktin e tyre, video që grumbulloi më shumë se 10 milionë shikime brenda 2 ditësh.

Për të krijuar një biznes të suksesshëm në TikTok, ja hapat që duhet të ndiqni.

Fillimi

Nëse nuk do të paguani një influencer (influencues), do të duhet t’i përgatisni vetë videot. “Mësohuni të ndiheni të ekspozuar. Në TikTok, duhet të jeni pak më të hapur për të treguar të mirën, të keqen dhe të shëmtuarën e biznesit tuaj,” thotë Tyler Farnsworth, themelues i kompanisë së marketingut, August United.

Së dyti, hartoni një listë me tema që do të trajtoni në llogarinë tuaj, këshillon Keenya Kelly, një sipërmarrëse me më shumë se 200,000 ndjekës në TikTok. Temat lidhini me hashtags, kështu që sa më shumë të përdorni, aq më mirë do të jetë.

Gjithashtu duhet të shihni videot e të tjerëve për frymëzim. Në fillim, vërtet mund të rastisni me adoleshentë që kërcejnë twerk, por nëse video të tilla i cilësoni me “not interested”, algoritmi do të kërkojë për ju videot më të rëndësishme që lidhen me biznesin tuaj.

LEXO: Mashtruesit e TikTok fituan 500 mijë dollarë duke shitur aplikacione te të miturit

TikToku i parë

Harrojeni mënyrën se si krijoni përmbajtje në Facebook dhe Instagram. Realiteti fiton në TikTok, ndërsa pamjen e përsosur lëreni për në Instagram. Për këtë arsye, braktisini postimet e zbukuruara dhe të kuruara në detaje. Raitis Purins, shefi i marketingut në kompaninë Printful, u shpreh se kompania e tyre filloi të kishte më shumë sukses në TikTok kur nisën t’i regjistronin videot me telefon.

Për të krijuar videon e parë, identifikoni paraprakisht formatet e videove që janë trend atë javë, duke i parë në “Discover”. Duhet të tregoni se jeni pjesë e klubit. Pikë e rëndësishme është: Eksperimentoni!

Përfitoni sa më shumë nga përmbajtja juaj

Pasi të keni bërë video të mira, postojini ato disa herë. Ndonjëherë videot nuk bëhen virale nëse nuk postohen më shumë se 1 herë. Këshillohet të postoni të paktën 4 herë në ditë, edhe në rast se videot janë të shkurtra 5 sekonda. Përdorni të paktën 4 deri në 6 hashtags dhe zgjidhni disa hashtags që kanë më pak se 2 milionë shikime, në mënyrë që njerëzit t’i gjejnë videot tuaja më lehtë.

Nëse doni që ta bëni më virale faqen, mund të bashkëpunoni edhe me njerëz të njohur, që ta shpërndajnë atë. Ose mund të regjistroheni në TikTok Creator Marketplace për të gjetur influencues për markën tuaj.

INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0