Si të mbani mosmarrëveshjet larg shkatërrimit të marrëdhënies tuaj të punës


Në disa shoqëri është arritur deri në atë pikë sa njerëzit janë kthyer në “jo -miqësorë”.

Ka një pyetje urgjente në vendin e punës. Po sikur njerëzit të kenë një mosmarrëveshje thelbësose me ju për diçka që ju intereson vërtetë? A do ecni nëpër guacka, duke pasur frikë se çështja e nxehtë do të shfaqet dhe do të detyroheni të filloni një luftë me atë person? Apo do t’i zgjidhnit ato, të vendosur për t’i bindur se keni të drejtë?

Ajo që krijon më shumë shqetësim në një botë tashmë të tensionuar, është më shumë negativiteti në punë, ku njerëzit duhet të bashkëpunojnë dhe të bashkohen për të bërë më të mirën.

Ju sugjerojmë një qasje krejt të ndryshme: ndaloni, mbani mend se ne jemi të gjithë njerëzorë dhe hapni veshët në vend të gojës tuaj. Nuk keni nevojë t’i detyroni njerëzit të bien dakord me ju për politikën, çështjet sociale ose besimet kulturore. Ju nuk keni nevojë të pajtoheni me ta. E gjitha çfarë duhet të bëni është të shihni njëri-tjetrin si kolegë me vlera.

Si udhëheqës, duhet të ndihmoni të gjithë kolegët dhe bashkëpunëtorët tuaj të ndjehen se kanë, nëse jo mirëkuptimin tuaj, respektin tuaj. Fjala mund të helmojë mjedisin nëse njerëzit nuk bien dakord për këtë.

Shkolla e Shëndetit Publik në Harvard nxori një artikull, ku jepte udhëzime dëgjimin për njerëzit që punojnë në shëndetin dhe sigurinë e mjedisit. Dëgjimi me respekt është i rëndësishëm në një mjedis zyre. Dhe është shumë më i rëndësishëm në një fushë ku moskomunikimi mund të dëmtojë dikë.

  1. Mos vendosni se si ndiheni për personin para se ta dëgjoni atë.

Shihni personalitetin e tij së pari, së fundi dhe gjithmonë. Nëse e përshkruani atë në mendjen tuaj përpara se të përpiqeni t’i njihni ata, ky është vetë përkufizimi i “paragjykimit”.

Lexo: 5 këshilla për punën dhe karrierën nga novelistja e mirënjohur Toni Morrison

  1. Mos i hartoni përgjigjet para se dikush të flasë.

Kjo vjen me praktikën. Ju ndoshta dëshironi të bindni personin tjetër që e ka gabim, të zgjidhni problemin për të cilin po ankoheni, ose t’u tregoni atyre se sa të zgjuar jeni. Në vend të kësaj, mbajini veshët hapur dhe dëgjoni plotësisht ccfarë thonë ata.

  1. Shiko tërë figurën.

A e dini se vetëm shtatë përqind e asaj që dikush po përpiqet t’ju tregojë është në fjalët që ata thonë? (Kjo sipas studiuesit pionier të gjuhës së trupit Albert Mehrabian.) Pjesa tjetër është në gjuhën e trupit – shprehje, hap emocional, toni i zërit, duke tundur krahët. Aty është gjithccka. Me fjalë të tjera, ndaloni, shikoni dhe dëgjoni. Mos u merrni me telefon apo kompjuter kur personi po flet. Shikoni personin, duke vlerësuar personalitetin e tij, kulturën nga vjen – të cilat mund të mos jenë të njëjta me tuajën. Ndaj duhet të jeni gati për të mësuar dhe përmirësuar.

Dëshiron të jesh udhëheqës? Si fillim përpiqu të nderosh çdo person me të cilin punon. Drejto duke dëgjuar vërtetë ato që kanë për të thënë dhe duke i respektuar ato. Nuk ka dyshim se të tjerët po shikojnë dhe mësojnë nga ju. Ndaj:

Bëhu ndryshimi që dëshiron të shohësh!

Marina Kërçeli

INC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale