Si të mahnisni klientin tuaj gjatë një transaksioni


Pavarësisht nga ndërmarrja juaj, industria ose cikli mesatar i shitjeve të klientëve, një gjë është e sigurt: përvojat transaksionale që janë më të lehta për klientët, gjithmonë fitojnë. E rëndësishme është si ndihen klientët tuaj gjatë proçesit të shitjes dhe sa të lehtë ua bëni komunikimin dhe porositjen.

Të siguroheni se çdo hap i ciklit të shitjeve shkon pa probleme dhe mbështet klientin, është e domosdoshme për mbylljen e shitjes, mbajtjen e biznesit dhe referimin të klientit. Merrni parasysh se si përvoja juaj transaksionale mund të përmirësohet me këshillat e mëposhtme.

Lexo: Shqiptarët në raport me shitblerjet online

  1. Qëndroni transparent:

Konsumatorët nuk e kanë mendjen të marrin disa mesazhe me tekst ose njoftime me email nëse duan që të blejnë diçka. Përveç të dhënave nga transporti, qëndroni të hapur dhe transparentë për aspektet e tjera të kompanisë suaj. Ndoshta për ju, mund të jetë me vlerë krijimi i një pakete me raste studimesh bazuar në klientët aktual ose në ish-klientët.

Të dhënat mund të jenë edhe informacione shtesë rreth produktit, përmbajtja ushqyese, të gjitha kostot që lidhen me programin, sa kohë do të duhet që të funksionojë software-i. Çdo vërejtje ose pyetje që klientët tuaj mund të kenë, duhet t’i ktheni përgjigje të qarta.

  1. Trajnoni punonjësit tuaj për shërbimin ndaj klientit:

Nëse në biznesin tuaj keni një ekip të madh, sigurohuni që të gjithë punonjësit tuaj dhe anëtarët e ekipit të jenë trajnuar se si të japin shërbim të jashtëzakonshëm klientit. Në këtë mënyrë, nëse një klient telefonon ka një pyetje ose do të kryejë një transaksion, punonjësi ndihet i sigurt për t’i dhënë një përgjigje konsumatorit.

Krijimi i një pakete me vlera ndaj shërbimit të klientit, mund t’i orientojë anëtarët e ekipit drejt një rruge të duhur komunikimi. Kjo është mjaft e rëndësishme, pasi rezultatet e një shërbimi të keq ndaj klientëve janë të rënda. Një studim nga 2013 zbuloi se 95% e njerëzve që kishin një përvojë të keqe të shërbimit ndaj klientit, i tregojnë të paktën një personi për përvojën e keqe. Dhe 54% ua tregojnë të paktën pesë personave.

  1. Kërkoni të kuptoni qëllimet e klientit tuaj në një transaksion:

Kohët e fundit ka pasur një lëvizje të madhe drejt një përvoje “relacionale”, përtej “transaksionale”. Ndërsa klienti është, me të vërtetë, duke bërë një transaksion, kjo pjesë e “marrëdhënies” është një investim i rëndësishëm për ju.

Në një “marrëdhënie” të tillë, shitësi kërkon të kuptojë qëllimet specifike të klientit dhe të krijojë përputhje midis produktit ose shërbimit dhe qëllimeve të klientit. Përdorimi i frazave të tilla si “Unë e kuptoj” dhe përsëritja e qëllimeve të tyre, prapa tyre do të ndihmojnë klientin të ndiejë se jeni duke krijuar një marrëdhënie afatgjatë me ta, dhe jo t’u kërkoni të kryejnë vetëm një transaksion. Kjo mënyrë ju siguron një marrëdhëni të mirëfilltë me konsumatorin.

  1. Jini sa më të përgjegjshëm të jetë e mundur:

Në fund, sigurohuni që ju dhe ekipi juaj të jeni të arritshëm dhe të përgjegjshëm gjatë ciklit të shitjeve. Raj Jana themelues i kompanisë JavaPresse Coffee, thotë: “Në kompaninë time ne e kemi prioritet të ndërtojmë një urë lidhëse komunikimi sa më të tjeshtë me klientët. Nëse ata e kanë vendosur se duan të blejnë një kafe, por kanë disa pyetje mund të ndodhë edhe që të ndërrojnë mendje dhe mos ta kryejnë blerjen sepse askush nuk i përgjigjet pyetjeve të tij. Por, nëse ne i kthjemë gjithmonë përgjigje, atëherë ne ia bëjmë më të lehtë rrugën për të kryer blerjen.

Klientët gjithmonë e gjejnë një rrugë për të kontaktuar me ju, si përshtypjet në Yelp, komente në Instagram, në email dhe një tweet në Twitter. Ndërsa klientë të tjerë mund të jenë duke ju vëzhguar.

Lexo: Rritet transaksionet online, por janë më pak se një e katërta e të gjitha transaksioneve

Nëse komentet që parashtrojnë pyetje në faqet e mediave sociale të kompanisë tuaj nuk marrin një përgjigje nga ju, duket se nuk ju intereson të ndihmoni klientët tuaj. Dhe nëse një klient i mundshëm është i gatshëm të ecë përpara me një kontratë ose një blerje të madhe me ju dhe ju duhet 5 ditë që t’i ktheni përgjigje për një pyetje, ai klient e kupton që nuk është i rëndësishëm për ju.

Përvoja transaksionare, e thënë thjesht, ka shumë rëndësi. Synoni të jepni një përvojë më të mirë për çdo klient, me të cilin punoni përmes transparencës, shërbimit të klientëve në të gjithë ekipin dhe të jeni sa më të përgjegjshëm.

Burimi: INC

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale