Si të flasim rreth Koronavirusit në punë


Nuk ka dyshim se shqetësimet në lidhje me koronavirusin po rriten, ndërsa në shumë raste po del në dritë në shumë tregje të zhvilluara: paqëndrueshmëria aktuale e bursës, vështirësitë e logjistikës globale dhe çështjeve të zinxhirit të furnizimit. Në këtë situatë drejtuesit e biznesit duhet të jenë të përgatitur, për biseda me punonjësit e tyre dhe klientët.

Më poshtë janë katër objektivat e një bisede të ashpër, që rekomandohet të përdorë çdo udhëheqës në një bisedë me punonjësit e tij:

Lexo: Mjeku specialist, David Heymann jep detaje për virusin Corona

Të studiohet realiteti:

Cila është gjendja aktuale e zyrës? Sa të qetë janë njerëzit? Mos supozoni, se njerëzit nuk janë të shqetësuar për shëndetin e tyre nëse nuk po trokasin në derën tuaj. Kërkoni në mënyrë proaktive se si ndihen të gjithë dhe bëni çfarë mundeni, për të kuptuar plotësisht frikën e tyre. Ky mund të jetë hapi i parë drejt punonjësve tuaj dhe të inkurajohen të gjithë menaxherët të bëjnë të njëjtën gjë. Pasi të jepen reagimet e para nga punonjësit, drejtuesit e kompanisë mund të shikojnë situatën në mënyrë holistike dhe të përcaktojnë se si t’i adresojnë më mirë çështjet me një pamje më të plotë të situatës. Pra, shumë supozime janë bërë në këto situata në vend, që të pyesin vërtet punonjësit.

Sfidoni të mësuarit:

Njohuria është fuqi në këto situata. Çfarë mund të bëni për të ndihmuar në edukimin e punonjësve tuaj? Çfarë burimesh mund të siguroni në lidhje me logjistikën ose shëndetin, që do të jenë më të dobishme? CDC ka disa këshilla të dobishme për vendet e punës. Ju gjithashtu dëshironi të vendosni dikë, ose një ekip njerëzish, si përgjegjës për t’iu përgjigjur pyetjeve dhe përhapjes së informacionit tek punonjësit. Të dish se dikush po qëndron në krye të gjërave dhe të komunikosh në mënyrë efektive mund të të lehtësojë frikën.

Merruni me sfidën tuaj më të fortë:

Nëse diçka nuk shkon mirë, cila do të jetë sfida më e madhe për organizatën tuaj? Si mund ta zgjidhni këtë në mënyrë aktive dhe të përgatiteni sa më shumë që të jetë e mundur? Çfarë mund të bëni për të lehtësuar shqetësimet në lidhje me këto sfida? Për shembull, shumë kompani po anulojnë udhëtimet, ose madje u kërkojnë punonjësve të tyre që të punojnë nga shtëpia në disa raste. Mos e harro rëndësinë e komunikimit, se si këto sfida mund të ndikojnë në organizatë dhe individë në mënyrë të veçantë.

Lexo: Amazon ka probleme serioze nga Koronavirus

Pasuroni marrëdhëniet me punonjësit:

Përdoreni këtë kohë për të kuptuar me të vërtetë ekipin dhe për t’u dhënë mundësinë për t’u bashkuar dhe për të zgjidhur problemet. Bëni pyetje kryesore: Cila është mënyra ideale për të ecur përpara, si ekip? Cilat janë frikërat e mëdha dhe si t’i trajtojmë ato më mirë? Koha e krizës mund të nxjerrë në pah problemet më të vogla brenda një organizate, por ato gjithashtu mund të rezultojnë në një vlerësim dhe besnikëri më të madhe nga punonjësit, nëse trajtohen si duhet. Punonjësit kujtojnë se si udhëheqësit dhe kompania i trajtojnë ata gjatë kohërave të vështira, shpesh më shumë sesa në kohë të mirë. Tani është koha për të vazhduar investimet në përvojën tuaj të punonjësve.

Burimi: Entrepreneur

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale