Si të aplikoni për t’u regjistruar në programin e vizave të shumëllojshmërisë?


Janë hapur aplikimet për Lotarinë Amerikane, të vlefshme deri në datën 05 Nëntor 2019 ora 18:00. Ndërsa fituesit do të shpallen në datën 05 Maj 2020. Ju duhet të plotësoni ose kërkesën e arsimit të mesëm me kohë të plotë ose të keni një përvojë pune që kualifikohet sipas O*net OnLine.

Duhet të keni një fotografi dixhitale për ju, bashkëshorten dhe fëmijët tuaj. Madhësia e saj duhet të jetë 600 me 600 piksel dhe të jetë më e vogël se 240 kb. Mund t’i kërkoni fotografit ta bëjë fotografinë në përmasat e duhura dhe ta ruajë atë në një disk. Kujdes, hiqni syzet kur dilni në fotografi.

Si të aplikoni për Programin e Lotarisë? Ja cilat janë hapat që duhet të ndiqni:

Aplikimi bëhet online, tek dvlottery.satate.gov. Ju duhet të keni paraprakisht gati këtë informacion: emër, mbiemër, data e lindjes, gjinia, qyteti i lindjes, shtetësia, fotografi të bërë në gjashtë muajt e fundit, adresën postare, vendbanimin aktual, numrin e telefonit, adresën e email, shkollimin, gjendjen civile aktuale. Këtë informacion ju duhet ta jepni edhe për bashkëshorten dhe fëmijën tuaj. Hyni tek dvllottery.satate.gov dhe klikoni ‘Being Entery’ dhe vendoni kodin e sigurisë dhe klikoni ‘Submit’.

Lexo: Ambasada Amerikane: “Mbroni veten nga mashtrimet mbi vizat në internet”

Plotësoni formularin në këtë mënyrë (duke ndjekur edhe videon ilustruese të linkuar më poshtë):
  • Emri: emri, mbiemri, klikoni kutinë ‘no middle name’
  • Gjinia: mashkull ; femër
  • Datëlindja: muaji, data, viti
  • Qyteti ku keni lindur: shkruani qytetin dhe jo fshatin
  • Shteti ku keni lindur (Nëse keni lindur në Shqipëri nuk keni nevojë t’i përgjgjeni kësaj pyetje).
  • Pasaporta: Aplikuesi kryesor i programit të llotarisë, duhet të vendosë të dhënat e pasaportës së skaduar në aplikimin fillestar. Nëse pasaporta skadon pas mbarimit të procesit të aplikimit dhe ju përzgjidheni si fitues, atëherë ju duhet të ruani një kopje të saj, sepse ajo do ju duhet pas procesit.
  • Fotografia: Ngarkoni fotografinë tuaj të gjashtë muajve të fundit, kujdes nëse fotgrafia është me syze dhe nëse ajo nuk është e gjashtë muajve të fundit, ju skualifikoheni direkt.
  • Adresa juaj: vendosni emrin e personit që ka adresën( është opsionale) pastaj vazhdoni me adresën e plotë.
  • Shteti ku jetoni sot
  • Numri i celularit
  • Adresa e email
  • Niveli më i lartë i studimeve deri në momentin që po plotësoni këtë formular
  • Statusi juaj civil deri në momentin që  po plotësoni formularin
  • Bëni kujdes kur të jepni të dhënat e familjarëve tuaj. Ngatërrimi i fotografisë ju skualifikon
  • Pas gjithë këtij procesi, shtypni komandën ‘Continue’ për të konfirmuar të dhënat që shënuat në formular dhe të shikoni për ndonjë gabim të mundshëm.
  • Pas konfirmimit të të dhënave  shtypni komandën ‘Submit’.

Pas procesit të lartëpërmendur, do t’ju shfaqet një kod ose numër konfirmimi. Merreni kodin dhe mbajeni mend, sepse do t’ju duhet për më vonë. Duke filluar nga data 5 maj 2020 përmes kodit tuaj të konfirmimit mund të kërkoni në faqen zyrtare të ambasadës, për të parë nese jeni fitues ose jo.  Nëse nuk figuroni fitues, duhat ta kontrolloni vazhdimisht pasi do të këtë ndryshime herë pas here.

Për më shumë hollësi shikoni videon më poshtë:

https://www.youtube.com/watch?v=EzNmQrkn8S4&fbclid=IwAR3LSWNDYVtxASBskmRGNkEbIDV3e9VBG-PU_zDgi_EJTaj_1XlkkjSVJ6c

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale