Si i financojnë sipërmarrësit bizneset e tyre?


Sipas një studimi të ri nga ‘Global Entrepreneurship Monitor’, 95% e sipërmarrësve në mbarë botën i financojnë vetë ndërmarrjet e startup-eve të tyre.

Raporti u bazua në modelet e sipërmarrjeve financiare në mbarë botën dhe është i pari i këtij lloji në 10 vjet. Që atëherë, disponueshmërinë e fondeve, burimet e financimit dhe kostoja e fillimit të një biznesi kanë evoluar.

“Edhe pse kostoja mesatare e fillimit të një biznesi ka rënë, qasja në financa është një ndër problemet më serioze për bizneset në shumë ekonomi, sidomos me bizneset e vogla dhe të mesme,” tha një nga autoret e raportit dhe lektore e lartë e kolegjit ‘Babson’ Caroline Daniels.

Shuma mesatare e nevojshme për të filluar një biznes në 2004 ishte $ 54,000 dhe $ 65,000 në vitin 2006, por deri në vitin 2015 shuma mesatare e nevojshme kishte rënë në vetëm $ 13.000.

Raporti sugjeron se kjo rënie tregon “një vullnet në mesin e sipërmarrësve të tanishëm për të filluar një biznes me më pak burime dhe aftësinë për ta bërë këtë”, ata thonë se kjo ka të bëjë me ndikimin e internetit.

Raporti gjithashtu zbuloi se (ndoshta për shkak të shpenzimeve të reduktuara të përfshira) sipërmarrësit po rrisin përqindjen që kanë investuar, mesatarisht në vitin 2014 kanë dhënë 66% të kapitalit të tyre, por në vitin 2015 ishte rritur në 72%.

Kursimet dhe investimet joformale nga fqinjët, familjarët dhe miqtë luajtën një rol të rëndësishëm për shumë sipërmarrës – por  marrja e fondeve nga të huajt ishte e rrallë. “Duke filluar jetën në një pozicion të privilegjuar, ende iu jep sipërmarrësve një fillim shumë të mirë , veçanërisht në Afrikë dhe në Amerikën e Veriut, ku normat e investimeve informale janë më të larta”, thotë Penny Key, një tjetër autore e raportit.

Ky lloj investimi informal ka pasur një ndikim të madh në sipërmarrje. Që nga viti 2012, një mesatare prej 6% e të rriturve globalë ka siguruar investimin informal të një sipërmarrësi në vit – në total më shumë se $ 1 bilionë mes viteve 2012 dhe 2015.

Raporti gjithashtu zbuloi se gratë deklaruan se kishin nevojë për më pak fonde për të filluar një biznes në pothuajse të gjitha ekonomitë – veçanërisht në Kanada, ku sipërmarrëset femra thonë se kërkojnë 8.5 herë më pak se homologët e tyre meshkuj.

Megjithatë, pavarësisht se femrat sipërmarrëse thonë se kanë nevojë për më pak para, studime të tjera kanë zbuluar se gratë janë ende duke luftuar më shumë se meshkujt për të marrë fonde për bizneset e tyre. Një raport nga ‘Universiteti Carleton’ sugjeron se femrat janë penguar nga perceptimi se ato janë më pak të gatshme për të marrë rreziqe sesa meshkujt.

 

burimi: virgin.com 

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale