Si është ndërtuar Qielli i Përbashkët Europian - Business Magazine Albania

Si është ndërtuar Qielli i Përbashkët Europian


 

Hapësira ajrore është një burim i kufizuar, i cili ndahet mes përdoruesve civilë dhe ushtarakë. Kjo hapësirë e pazgjerueshme është përballë kërkesës në rritje të trafikut ajror dhe shmangies së mbingarkesave në anën tjetër. Nevoja për më shumë kapacitet të lirë dhe rritje të sigurisë, solli konceptin e Qiellit të Përbashkët Europian.

Qielli i përbashkët është një iniciativë ambicioze e Komisionit Europian i lançuar në vitin 1999 për riorganizimin e arkitekturës europiane të menaxhimit të trafikut ajror, i njohur shkurt si ATM/Air Traffic Management. Eksperiencat e përsëritura me vonesa të shpeshta në ato vite bënë që të mblidhej një grup i nivelit të lartë, i cili do të paraqiste një qasje të re legjislative për të plotësuar nevojat e ardhshme të kapaciteteve dhe sigurisë në nivel europian. Paketa e parë legjislative u hartua në fund të vitit 2001 dhe hyri në fuqi në vitin 2004. Dokumenti u njoh si SES I/Single European Sky I dhe konsistonte në:

  • Përmirësimin e sigurisë, pavarësisht rritjes së numrit të fluturimeve
  • Krijimin e kapaciteteve shtesë dhe rritjen e ndërveprimit në ATM

SES renditet si një nga ndryshimet më themelore në aviacionin europian e më gjerë. Sfidës për akomodimin e fluksit në rritje, reduktimin e kostove dhe rritjen e performancës për menaxhimin efiçent të hapësirës i erdhi në ndihmë iniciativa FAB/Functional Airspace Blocks. FAB konsistonte në ndarjen e hapësirës ajrore në blloqe funksionalë, jo sipas kufijve kombëtar, por sipas flukseve të trafikut.

Lexo: Biletat e udhëtimit, ende përmes agjensive

Ky projekt ishte i pamundur pa rregulla dhe proçedura të pëbashkëta europiane dhe për këtë u impelemtua paketa SES II. SES II bëri hapa përpara drejt vendosjes së objektivave në fushat kyçe të sigurisë, kapacitetit të rrjetit, efektivitetit dhe ndikimit në mjedis. SES ndikoi në  transformimin e rolit të EUROCONTROL, duke bërë që Komisioni Europian të mandatonte EUROCONTROL për të zhvilluar rregullat zbatuese për Qiellin e Përbashkët Europian. Kontributi i EUROCONTROL lidhet me elementet rregullatorë dhe me ato teknologjikë, duke përfshirë:

  • Hartimin e rregullave zbatuese, udhëzuese dhe materiale teknikë për zbatimin e rregulloreve të SES.
  • Ndihmon shtetet anëtare në ushtrimin e funksioneve të tyre rregullatore
  • Identifikimin e nevojave për rregullore të reja për teknologjitë komplekse të reja ATM dhe procedurat e paraqitura nga SESAR

Secili rregull përgatitej në konsultim të ngushtë me shtetet anëtare dhe aktorët e aviacionit.

Nga ana e teknologjisë, SES mbështetet nga programi SESAR, Single European Sky ATM Research i cili drejton modernizimin e infrastrukturës së menaxhimit të trafikut ajror në Europë me qëllim modernizimin dhe optimizimin e rrjetit të ardhshëm europian të ATM-ve.

Ajo është e ndarë në disa faza dhe shumë projekte që lidhen me konceptet operacionale dhe zhvillimet teknologjike.

Qielli i Përbashkët Europian, me implementimin e paketave SES I, SES II, SES II+ dhe të tjerave në të ardhmen do të vazhdojë të jetë sfida e madhe e aviacionit për një hapsirë të mirëmenaxhuar kundrejt kërkesës gjithmonë në rritje, sigurisë, reduktimit të kostove dhe qasjeve miqësore me mjedisin.

 

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0