Shuhen flakët në Paris, qeveria pezullon vendimin për rritjen e çmimit të naftës
Përditësuar së fundmi: 04/12/2018

Shuhen flakët në Paris, qeveria pezullon vendimin për rritjen e çmimit të naftës

Share
nga Neada Muçaj
Dhj 04, 2018

Franca do të pezullojë rritjen e çmimit të karburantit pas protestave të vazhdueshme të dhunshme gjatë fundjavës, në një koncesion të madh nga qeveria e Presidentit Emmanuel Macron.

Kryeministri Edouard Philippe do të njoftojë një moratorium të martën mbi rritjen e çmimit të karburantit, i cili ishte planifikuar të hynte në fuqi më 1 janar.

Kostoja në rritje e benzinës dhe naftës shkaktoi protesta që u transformuan në demonstrata më të gjera kundër qeverisë së Macronit, duke ekspozuar tensionet midis elitës metropolitane dhe të varfërve ruralë.

Qeveria është duke shpresuar se pezullimi i rritjes së çmimit të karburantit do të ulë “zjarrin” e protestave, të cilat mblodhën rreth 36,000 vetë në rrugët e Francës vetëm të shtunën.

‘Harku i Triumfit’ u mbush me slogane në mbështetje të “lëvizjes së verdhë” dhe të tjerëve duke kritikuar Macronin si President “i të pasurve”.

Kostoja e naftës është rritur 16% këtë vit nga një mesatare prej 1.24 euro (1.41 dollarë) për litër në 1.48 euro (1.69 dollarë), duke arritur në 1.53 dollarë ($ 1.74) në tetor, sipas UFIP, Federatës së Industrisë së Naftës në Francë.

/CNN