Vendi po shpopullohet dhe kryetari i bashkisë, me synimin për të rivitalizuar qendrën historike dhe ekonominë e vendit, ka vendosur të shesë shtëpitë për çiftet e reja me një vlerë simbolike për vetëm 1 EURO. Po flasim për Tarsia, qendra e rajonit të Kozencës me rreth 2 mijë banorë.
“Janë disa shtëpi të braktisura. Për momentin numërojmë rreth 20 dhe pjesa më e madhe zotërohen nga njerëz të cilët nuk kanë më interes t’i përdorin pasi jetojnë shumë larg Kalabrisë. Ne kemi hartuar një rregullore për të blerë këto shtëpi në trashëgiminë komunale. Hapi tjetër do të jetë miratimi i një njoftimi drejtuar çifteve të reja. Ne gjithashtu po konsiderojmë mundësinë e shmangies së kostove noteriale për blerësit, me një transferim të lirë të pronave.”
“Kemi parë që ka çifte të interesuara lidhur me propozimin,” thotë kryetari i bashkisë Roberto Ameruso.
Ameruso është pozitiv, por çështja do të diskutohet përfundimisht gjatë një konference të organizuar nga Bashkia me temën “Rritja turistike dhe kulturore e fshatit Tarsia: rikuperimi i pasurive të paluajtshme dhe përcaktimi i instrumenteve të reja të atraktivitetit” të planifikuar në datën 8 nëntor.
Deri atëherë, keni kohë të vendosni për një blerje të re në Tarsia.
/QuotidianoDelSud
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
