Shqiptarët porosisin online më shumë libra se sa ushqim. Fakte interesante në Ditën Botërore të Librit - Business Magazine Albania

Shqiptarët porosisin online më shumë libra se sa ushqim. Fakte interesante në Ditën Botërore të Librit

libra

Blerja e librave është në krye të listës së produkteve të preferuara që njerëzit në Shqipëri porosisin në internet, dhe më shpesh sesa librat, blihen vetëm rroba dhe produkte nga dizajner vendas. Të anketuarit më së shumti porosisin produkte përmes smartphone-ve (80 për qind), 12 për qind e tyre e bëjnë këtë përmes laptopëve të tyre, ndërsa vetëm 5 për qind e mbajtësve të kartave praktikojnë blerje përmes kompjuterit.

Librat blihen në një masë të ngjashme me pajisjet elektronike, të ndjekura nga pajisjet shtëpiake, produktet e shtëpisë dhe ato që janë në dispozicion në platformat e internetit si Aladini dhe Dyqan Taxi.

Kjo u zbulua nga hulumtimi rajonal i kryer nga Visa[1], rezultatet e së cilës u botuan në Ditën Botërore të Librit dhe të Drejtës së Autorit.

Në krahasim, literatura popullore dhe profesionale është produkti i tretë më i kërkuar midis blerësve në Maqedoninë e Veriut dhe Serbi. Blerja e librave online në Bosnjë dhe Hercegovinë është në të njëjtën nivel si me shumicën e kategorive të tjera, shumë mbrapa veshjeve dhe këpucëve, me një statistikë të ngjashme në Malin e Zi.

Përfitimet kryesore të pagesave në internet përmes smartphone janë komoditeti (73 për qind), si dhe shpejtësia (45 për qind) dhe thjeshtësia kur krahasohen me opsionet e tjera (42 për qind). Në të njëjtën kohë, një e katërta e pjesëmarrësve në hulumtim besojnë se pagesa me smartphone ofron rekomandime të personalizuara, si dhe përmbajtje specifike bazuar në vendndodhjen e përdoruesve.

Lexo: Festivali i Librit, një festë për autorin dhe përkthyesin

“Më vjen mirë që në Shqipëri dhe rajon ka një vetëdije të fortë për blerjen e librave në internet, dhe që letërsia dhe arti po mbajnë një ritëm me zhvillimin gjithnjë e më të shpejtë të teknologjisë. Është e-commerce në të gjithë botën, që ka lulëzuar dhe ndikuar në transformimin dixhital të shumë bizneseve dhe kategorive të shitjeve me pakicë, gjë që ndikon gjithashtu në zakonet tona të përditshme, siç janë mënyrat e blerjes së diçkaje. Ne mund të shohim këtë gjë në rezultatet e hulumtimit që kemi kryer, i cili tregoi se qytetarët po përqafojnë inovacionin dhe gjithnjë e më shumë përdorin smartphone-t kur paguajnë në internet, sepse kjo u sjell atyre përfitime të shumta, kryesisht shpejtësi, efikasitet dhe siguri”, tha Vladimir Djordjevic, Menaxher i Përgjithshëm i Visa për Evropën Juglindore.

Kur bëhet fjalë për shpeshtësinë e blerjeve në internet, më shumë se një e katërta e të anketuarve blejnë produkte dhe shërbime disa herë në muaj, dhe midis atyre që nuk kanë provuar ende të blejnë në internet përmes smartphone-ve, madje 67 për qind e tyre planifikojnë ta bëjnë këtë në të ardhme.

Pranimi më i shpejtë dhe i lehtë i metodave inovative të pagesës u ndikua kryesisht nga përvoja personale pozitive (77 për qind), e ndjekur nga rekomandimet e miqve dhe bankës (32 për qind), dhe 22 për qind theksojnë se zgjedhja e tyre ndikohet nga përvojat e anëtarëve të familjes dhe kolegëve.

Kundrejt zakoneve të ndryshme, hulumtimet tregojnë se blerësit nga rajoni kanë gatishmëri të ngjashme për të adoptuar teknologji moderne.

[1] “Unë zgjedh Digjital” është një hulumtim rajonal i kompanisë Visa rreth perceptimit të pagesave përmes telefonit. Ishte realizuar në tregjet e Serbisë, Bosnjës dhe Hercegovinës, Maqedonisë së Veriut, Malit të Zi, Shqipërisë dhe Kosovës në Shkurt dhe Mars 2021 me një mostër prej 2.750 mbajtësve të kartave.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0