Shqipëria rrit varësinë nga Italia në tregtinë e jashtme. Nafta ruse zëvendësohet nga ajo turke - Business Magazine Albania

Shqipëria rrit varësinë nga Italia në tregtinë e jashtme. Nafta ruse zëvendësohet nga ajo turke

Shqipëria ka zgjeruar importet dhe eksportet gjatë katër muajve të parë të vitit, gjë e cila ka sjellë edhe një deficit rekord në tregtinë e jashtme në vlerën e 123 miliardë lekëve.

Në eksporte grupet kryesore që udhëhoqën rritjen ishin lëndët djegëse, mineralet, materialet e ndërtimit, metalet si dhe tekstilet.

Nga shifrat shihet se vendi ynë sa i përket lëndëve djegëse ka dërguar në prill, 2 miliardë lekë më shumë në Itali, ndërsa me rritje të fortë vjen Kina dhe Gjermania.

Ndërkohë tek materialet e ndërtimi rritja më e fortë ka  qenë në drejtim të Italisë, Greqisë, Kroacisë, Holandës dhe Maltës.

Për tekstilet partnerët tanë më të rëndësishëm në eksporte mbeten Italia, Spanja dhe Gjermania, ndërsa vendi gjeti edhe tregje të reja si si SHBA, Koreja e jugut, Kanada, Maroku dhe Portugalia.

Lexo edhe: Shqipëria ul varësinë energjetike nga Rusia. Gruri rus zëvendësohet nga ai serb

Sa i përket importeve, teksa vendi ka ulur në mënyrë drastike importet nga Rusia për naftë duke marrë 20 mijë ton më pak, shihet se zëvendësuesi në këtë drejtim është bërë Turqia, nga ku morëm 40 mijë ton më shumë gjatë prillit.  Ndërkohë në lojë kanë hyrë edhe vende të tjera si Izraeli dhe Algjeria për furnizimin me naftë, por edhe lëndë të tjera djegëse.

Për materialet e ndërtimit një tjetër grup që rriti ndjeshëm importet, Shqipëria mori më shumë nga Kina, Spanja dhe Turqia, ndërsa kemi ulur në nivele minimale ato që merrnim nga Ukraina.

Për importin e ushqimeve vendi ka gjetur tregje alternative si Polonia, Bullgaria dhe Franca. Me rritje të fortë në këtë grup është edhe Serbia ku për shkak të importit të lartë të grurit gjatë prillit kemi vijuar ta përkeqësojmë deficitin tregtar, nga 700 mlion lekë në 2021-in, në 1.48 miliardë lekë këtë vit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0