Shqipëria rrit me 50% eksportet. E njëjta sasi mallrash, por me çmime më të larta - Business Magazine Albania

Shqipëria rrit me 50% eksportet. E njëjta sasi mallrash, por me çmime më të larta

Çmimet e rritura kanë ndikuar në mënyrë të ndjeshme tregtinë e jashtme. Sipas statistikave në krahasim me një vit më parë në mars eksportet janë rritur me 50.4%, ndërsa importet me 24%.  Grupet kryesore që kanë ndikuar në shtimin e eksporteve është për shkak të mineraleve, lëndëve djegëse dhe tekstilëve. Çmimi kromit dhe lëndëve të tjera minerale është trefishuar në bursa, po ashtu edhe çmimi i naftës bruto. Por, edhe sektori fason është duke kaluar një periudhë mjaft të mirë, pasi vendet evropiane kanë zhvendosur zinxhirët e furnizimit nga Azia drejt Ballkanit, duke rritur numrin e porosive dhe duke e renditur sektorin, të tretin për produktet që eksporton.

Sa i përket importeve grupet kryesore që kanë udhëhequr rritjen është energjia elektrike, ku vendi jonë po blen me çmime trefish më të larta, ndjekur nga metalet dhe materialet e ndërtimit, ndërsa grupi i tretë janë ushqimet.

Fakti që çmimet po luajnë kryesor në tregtinë e jashtme vërehet edhe nga statistikat e peshës. Në eksporte ne kemi marrë vete 10 mijë ton më shumë ushqime, por diferenca në vlerë është 12.8 mld lekë.

Lexo edhe: Kosova ndal eksportin e produkteve ushqimore: “Rrezikojmë të mbetemi pa mallra”

Ndërsa në importe sasia e mallrave është më e vogël këtë mars është 46 mijë e 200 ton, më pak se e njëjta periudhë vitin e kaluar, por diferenca në vlerë është 20 mld lekë. Kjo rritje e vlerës përkthehet e gjitha në rritjen e çmimeve të ushqimeve dhe produkteve të tjera bazë në tre muajt  e fundit.

Krahu pozitiv mbetet fakti se një indikator i rëndësishëm si ai deficitit tregtar po përmirësohet dhe në tremujorin e parë të vitit ai nuk po rritet me hapa galopantë.

Vendet në të cilat kemi dërguar më shumë mallra gjatë këtij tremujori janë Italia, Kosova dhe Gjermania, ndërsa vendet nga ku kemi marrë më shumë përveç Italisë, renditen Turqia dhe Kina.

Me vendet e BE-së, vendi ynë vazhdon të realizojë gati 65% të volumit të tregtisë së jashtme.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0