Shqipëria arrin në 100 mijë të vaksinuar - Business Magazine Albania

Shqipëria arrin në 100 mijë të vaksinuar

Ministrja e Shëndetësisë, Ogerta Manastirliu ka bërë të ditur të martën se tashmë Shqipëria ka arritur në 100 mijë të vaksinuar ndaj COVID-19. Manastirliu thotë në një postim në Twitter tashmë janë 100 mijë jetë më të mbrojtura falë këtij procesi.

“Tani çdo ditë e më shpejt po afrohet drita në fund të tunelit”, shkruan Manasirliu.

Ministrja e Shëndetësisë bëri të ditur në fundjave se synon që Shqipëria të arrijë të vaksinojë mbi 10.000 persona në ditë. Ndërkohë, sipas kreut të qeverisë, Edi Rama Shqipëria ka siguruar doza të mjaftueshme të vaksinës kundër koronavirusit, duke bërë të mundur imunizimin e popullatës përpara afatit të parashikuar prej 14 muajsh.

Rama tha gjatë nisjes së vaksinimit masiv të dielën se këtë vit pritet që sezoni turistik në Shqipëri do të jetë më i lehtësuar dhe pa kufizime për shkak të vaksinimit, që sipas tij, do të shkëpusë zinxhirin e infektimeve

“Besoj që ky sezon turistik do të jetë shumë i lehtësuar. Mbetemi të bindur që deri në pranverën e ardhshme do jetë vaksinuar e gjithë popullata, por kam bindjen se para pranverës së ardhshme do ta mbyllim procesin”, tha kryeministri Rama.

Sipas autoriteteve, objektivi është që brenda majit të jenë vaksinuar gjysmë milioni shqiptar, ndërsa zv ministra e Shëndetësisë, Eugena Tomini, ka deklaruar se me ardhjen e dozave të tjera të vaksinave pritet që të ulet mosha e të vaksinuarve.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0