Në fillim të vitit, Michael Pack po përgatitej për të marrë disa masa të vështira. Röhm GmbH, prodhuesi gjerman i qelqit akrilik që ai drejton, po dilte nga një sezon i vështirë dimri. Kërkesa nga industritë e automobilave dhe ndërtimeve ishte e ulët, duke dëmtuar çmimet dhe pronarët e rinj të kapitalit privat të kompanisë po përpiqeshin të përcaktonin se si të merrnin mbrapsht investimin e tyre prej 3.2 miliardë dollarësh deri në fund të korrikut. Si përgjigje, Pack, shefi ekzekutiv i Röhm, filloi të shkurtojë orët e prodhimit për punëtorët, në impiantet më të goditura.⠀
Pastaj në mars ai vuri re një rritje të papritur në një pjesë të biznesit që kishte qenë prej kohësh e qëndrueshme: fletët akrilike të shitura nën markën Plexiglas. Porositë po vinin nga shitësit me pakicë, zyrat, spitalet dhe ndërmarrjet e transportit publik, të cilët mezi prisnin të merrnin në duart e tyre mburoja mbrojtëse, për të mbrojtur punonjësit nga një kollitje apo teshtitje, që mund të përhaptë koronavirusin.
Lexoni: Hoteli suedez që po i kthen dhomat në restorante të pop-up
Ashtu si maskat për fytyrën dhe dezinfektuesit, Plexiglas u bë gjithëpërfshirës pothuajse brenda natës, duke u shndërruar në një roje të tejdukshëm midis arkëtarëve, shoferëve të autobusëve dhe recepsionistëve nga njëra anë dhe klientëve nga ana tjetër.
⠀
Për Röhm, rritja ofroi një nxitje të mirëpritur. “Ne kaluam nga akulli i ftohtë në një ritëm shumë të nxehtë”, thotë Pack. “Fillimisht, ne menduam se ishte një rritje e momentit dhe vendosëm të përfitonim sa të mundeshim. Por kërkesa u rrit dhe u përhap gjerësisht.
Pack thotë se kompania tani ka siguruar shitjen e fletëve të xhamit Plexiglas në Evropë dhe Sh.B.A të paktën deri në tetor, dhe indikacionet janë që rritja e kërkesës nuk do të zhduket aq papritmas sa erdhi. Röhm parashikon se pengesat e tejdukshme në hapësirat publike dhe zyrat do të mbeten një tipar i zakonshëm për të ardhmen e parashikueshme, duke mbështetur një linjë produkti që nuk ishte e zhvilluar.⠀
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
