Shfletuesi Brave sapo ka bërë një hap drejt mbështetjes së një uebi të decentralizuar duke u bërë shfletuesi i parë që ofron integrim të protokollit peer-to-peer të rrjetit që synon të ndryshojë thelbësisht se si funksionon interneti. Teknologjia e quajtur IPFS (InterPlanetary File System) një protokoll transporti i cili premton të përmirësojë standardin HTTP duke bërë përmbajtjen më të shpejtë dhe më elastike ndaj dështimit dhe kontrollit.
Ndërsa HTTP është dizajnuar që shfletuesit të aksesojnë informacionin në serverë qendrorë, IPFS mundëson aksesimin e përmbajtjes së përhapur në disa nyje rrjeti. Është e ngjashme me shkarkimin e skedarëve BitTorrent ku përmbajtjet nuk janë në server qendror por shpërndarë në disa nyje.
Përfitimet janë të shumta por më e dukshme është shpejtësia e aksesit duke qenë se të dhënat ruhen më pranë përdoruesve që po i aksesojnë por edhe të ulin kostot e serverëve për ofruesin e përmbajtjeve. Brave aktualisht ka 24 milionë përdorues aktivë në muaj dhe është një prej mbështetësve më të hershëm të IPFS që prej 2018-ës. Por me versionin 1.19 përdoruesit e Brave mund të aksesojnë përmbajtjet IPFS duke përdorur URL që fillojnë me ipfs://.
LEXO: Hiqni dorë nga Chrome. Safari dhe Edge janë shfletuesit më të mirë për ju dhe kompjuterin tuaj
Kjo përpjekje për ta bërë përmbajtjen në internet më elastike dhe të pakufizuar vjen në një kohë kur pronarët e shërbimeve dhe platformave po përballen me zgjedhje të vështira për atë përmbajtje që duhet të mbetet në internet. Pas trazirave të Kapitolit në 6 Janar, Presidenti Trump u bllokua në Facebook dhe Twitter. Një rrjet i decentralizuar i mundësuar, pjesërisht, nga IPFS do ta bënte atë lloj kontrolli më të vështirë në të ardhmen.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.