Kreu i Bashkisë Erion Veliaj, i ftoi investitorët të sjellin propozime konkrete duke folur për një bashki pragmatiste në realizimin e kontratave në të mirë të shërbimit publik.
Ai u bëri të ditur investitorëve se, Bashkia Tiranë është në përfundim të krijimit të një zone të re të lirë ekonomike që do të shtrihet në Kashar me një sipërfaqe prej 80 hektarësh. Kushtuar kompanive të teknologjisë, kjo zonë do të mundësojë që shqiptarët të mos flasin vetëm gjuhë të huaja si anglisht, gjermanisht etj, por edhe të gjuhëve të kodimit.
Këto janë mes planeve të reja të mbështetjes, ndërkohë që prezenca e huaj tashmë është konsoliduar sidomos në pjesën e shërbimit. Veliaj theksoi se, marka si Hilton, Hayatt dhe Marriot të nisura apo të konfirmuara tashmë për nisjen e aktivitetit në Tiranë, flasin për një standard të lartë të shërbimi.
Me fokus të njihen më mirë sfidat me të cilat po përballet ekonomia, objekti i këtij forumi është gjetja e përgjigjeve, përmes sjelljes së eksperiencave të ndryshme të kompanive që kanë shënuar sukses në këtë drejtim.
Menaxher i përgjithshëm i Philip Morris Radmilo Vlacic, mes shumë folësve, tha se, organizata është një nga faktorët më të rëndësishëm “për arritjen e qëllimeve tona të qëndrueshme. Ne kemi strukturat, sistemet dhe mënyrat e punës dhe vlerat personale që mbështesin objektivat e zhvillimit të qëndrueshëm të organizatës dhe inkurajojmë të tjerët në kompani që të veprojnë si agjentë entuziastë të ndryshimit”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
