Programi Shkollat e Shekullit 21, një program frymëzues për të rinjtë

Programi Shkollat e Shekullit 21, një program frymëzues për të rinjtë


Programi “Shkollat e shekullit 21” është një program arsimi tre vjeçar, i zbatuar nga British Council dhe ka për qëllim të zhvillojë aftësitë kryesore të shekullit 21-të në mbi një milion nxënës të moshës 10-15 vjeç në vendet e Ballkanit Perëndimor (Shqipëri, Bosnje dhe Hercegovinë, Kosovë, Mal i Zi, Maqedoni e Veriut dhe Serbi) dhe do të përfshijë të gjitha shkollat e arsimit bazë në Ballkanin Perëndimor.

Shkollat e Shekullit 21 është një program që ofron mentorim të vazhdueshëm dhe burime të vlefshme për ngritjen e kapaciteteve të drejtorëve dhe mësuesve të shkollave, si dhe të politikëbërësve. Programi financohet nga Qeveria Britanike në shumën e 10 milionë paund.

Sfida e Kodimit organizohet në kuadër të programit “Shkollat e shekullit 21” dhe synon të përfshijë e të frymëzojë të rinjtë në Shqipëri të zgjidhin probleme të jetës së përditshme, me të cilat përballen shkollat dhe komunitetet e tyre, përmes programimit të pajisjeve. Sfida do të përdorë pajisjen micro:bit të BBC-së për t’ju mundësuar nxënësve të zhvillojnë projekte që i përgjigjen Qëllimeve të Zhvillimit të Qëndrueshëm (SDGs) dhe që eksplorojnë zgjidhje për problemet e jetës së përditshme.

Në këtë Sfidë janë ftuar të marrin pjesë të gjitha shkollat që kanë përfunduar trajnimet e programit “Shkollat e Shekullit 21” dhe kanë pranuar pajisjet Micro:bit.  Pas vlerësimit të 120 projekteve të dorëzuara nga shkollat në mënyrë digjitale një juri ekspertësh ka përzgjedhur 20 projektet më të mira për t’u prezantuar në Sfidën e Kodimit në Tiranë. Sfida e Kodimit organizohet në partneritet me Ministrinë e Arsimit, Sportit dhe Rinisë të Republikës së Shqipërisë.

Lexo: Shkolla Digjitale, startup-i kosovar që ka marrë përmasa ndërkombëtare

Pjesëmarrës në event do të jenë përfaqësues të Ministrisë së Arsimit, Sportit dhe Rinisë, Ambasadës së Britanisë në Shqipëri.  Ky aktivitet ofron mundësi për përfaqësuesit e medias që të takojnë nxënësit e shkollave pjesëmarrëse në këtë Sfidë, si dhe të shohin se si funksionon pajisja micro:bit.

Ky aktivitet do të mbahet ditën e enjte në datë 16 janar 2020, 14:30 në ambientet e Tirana Tech Space, Godina e Inovacionit, Rruga Papa Gjon Pali II 1001, Tiranë.

Rreth British Council

British Council është organizata ndërkombëtare e Mbretërisë së Bashkuar për marrëdhënie kulturore dhe arsim. Ata ndodhen në gjashtë kontinente dhe në më shumë se 100 vende, ku kontribuojnë në fushat e artit dhe kulturës, gjuhës angleze dhe shoqërisë civile. Vitin e shkuar kanë komunikuar direkt me 65 milionë njerëz dhe 731 milionë në tërësi, duke përfshirë komunikimet online, transmetimet dhe publikimet. Ato japin kontribut pozitiv në vendet me të cilat punojmë, duke ndryshuar jetët e njerëzve përmes krijimit të mundësive, ndërtimit të marrëdhënieve dhe besimit të ndërsjellë. Të themeluar në vitin 1934, ata janë një institucion bamirës i Mbretërisë së Bashkuar.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0