Sektori privat: Rol i rëndësishëm në bordet drejtuese të shkollave të mesme profesionale

Sektori privat: Rol i rëndësishëm në bordet drejtuese të shkollave të mesme profesionale


Dhjetra sipërmarrës privatë nga fusha e ndërtimit, teknologjisë së informacionit, turizmit dhe konfeksioneve, janë bërë pjesë dhe kryesojnë bordet drejtuese të disa institucioneve të AFP-së.

Në panelin e diskutimit të Shkollës Verore, kryetarë të bordeve drejtues të shkollave të mesme profesionale, theksuan nevojën e rritjes së numrit të sipërmarrësve anëtarë në këto organizma, sidomos rritjen e pjesëmarrjes aktive të tyre. Dritan Mezini, sipërmarrës në fushën e teknologjisë së informacionit, ka hasur sfida të vazhdueshme për të gjetur punonjës të kualifikuar, gjë që e ka afruar me shkollat profesionale. Tashmë, në cilësinë e përfaqësuesit të sektorit privat, ai kryeson Bordin Drejtues në shkollën e mesme profesionale “Gjergj Canco” në Tiranë. Z. Mezini është i bindur se shkollat e mesme profesionale kanë një vlerë të madhe për tregun e punës në Shqipëri, dhe këtë bindje e ka përforcuar këto vite duke qenë pranë këtyre shkollave. Djali i tij me rezultate të shkëqyera zgjodhi pikërisht një shkollë profesionale për të vazhduar studimet. Z. Mezini u shpreh se ka ende një punë të madhe për të bërë, në mënyrë që biznesi t’i afrohet më tepër arsimit profesional. Së pari, ai duhet të njihet me arsimi profesional, dhe së dyti, duhet përmirësuar cilësia e standardet e AFP-së.
Znj. Ada Aliaj u shpreh se synimi i Techspace është të bashkojë studentët e degës “TIK” dhe “Ekonomik”, për të mbuluar edhe pjesën administrative e menaxheriale të startupeve.Ata u shprehën se gjithnjë e më shumë po i besojnë arsimit profesional, duke nisur procesin e rekrutimit të profesionistëve të ardhshëm që kur ata janë në shkollat e mesme profesionale. Kontributi i tyre, duke vënë në dispozicion ambientet e biznesit apo duke i prezantuar nxënësit me kërkesat e tregut, është një mundësi për të zhvilluar e përshtatur njohuritë e nxënësve me nevojat e tregut. Sipas Z. Mezini, një hap i tillë kërkon që sipërmarrësit jo vetëm të marrin pjesë në borde drejtuese e të parashtrojnë kërkesat e tyre, por edhe të kenë zë në vendimmarrje për hartimin e kurrikulave. Në këtë mënyrë, edhe kurrikulat mund t’u përgjigjen më mirë nevojave të tregut. Ndërkohë, jo të gjitha bizneset janë të gatshme dhe mund t’u përgjigjen nevojave të AFP-së. Nevojitet të përzgjidhen bizneset që kanë mundësi të ofrojnë mentorë, salla apo laboratorë ku mund të zhvillohen praktika profesionale.
Artikulli u publikua më parë në faqen 47 të numrit 22 të revistës Business Magazine Albania. Ju mund të Shfletoni Këtu  nr. 22 të saj.
Znj. Hedie Gjoni, drejtoreshë e shkollës “Gjergj Canco”, tha se shkolla ka pasur eksperienca të suksesshme me biznesin. “Me mbështetjen e projektit “Aftësi për Punë”, mori hov qasja e shkollës ndaj biznesit. Sot shumë kompani kanë krijuar hapësira për shfrytëzimin e ambienteve ku nxënësit mund të bëjnë praktika profesionale”, u shpreh ajo. Sipas Znj. Gjoni, është shumë i rëndësishëm rritja e numrit të marrëveshjeve të bashkëpunimit të shkollës me bizneset. Nga ana tjetër, shkolla duhet të hartojë kurrikula të përshtatshme të informuara nga tregu i punës, në mënyrë që nxënësi të jetë i përgatitur për të punuar në kompani. Bashkëpunimi me sipërmarrjet i ka ndihmuar shkollat e mesme të përmirësojnë modelet profesionale, që u përgjigjen proceseve të reja teknologjike.

Drejtuesit e shkollave synojnë rritjen e bashkëpunimit edhe në nivelin e mbështetjes financiare. Për të rritur cilësinë e arsimit dhe formimit praktik, ata thonë se financimi dhe ngritja e laboratorëve, duhet të vijë edhe nga biznesi. Annet Hilpert, Eksperte për Zhvillimin e Aftësive dhe Promovimin e Punësimit, prezantoi strukturat dhe organizmat që rregullojnë dhe sigurojnë përfshirjen e vazhdueshme të sektorit privat në administrimin e AFP-së. Drejtues dhe anëtarë të bordeve, institucione të AFP-së; biznese dhe profesionistë të AFP-së, diskutuan për forcimin e këtyre organizmave, si kusht për të siguruar efektivitetin e bordeve drejtuese dhe përfshirjen e sektorit privat në AFP.
Ndërgjegjësimi i sektorit privat si kontribues në mirëqeverisjen e institucioneve të AFP-së, në zhvillimin e kurrikulave dhe në të nxënit përmes punës, është shumë i rëndësishëm për funksionimin efektiv të institucioneve të AFP-së. Pavarësisht zhvillimeve pozitive, nuk ka ende garanci që oferta e AFP-së do të përshtatet vazhdimisht me nevojat dhe mundësitë e tregut të punës Përpjekjet e palëve të interesuara kërkojnë qartësi në lidhje me përfitimin e ndërsjelltë dhe rolin që duhet të luajë gjithsecili. Ekspertët dhe institucionet e angazhuara në AFP, po përpiqen të krijojnë një dialog të strukturuar e shumënivelësh midis sipërmarrësve, ofruesve, institucioneve vendimarrese dhe pushtetit lokal. Shkolla Verore 2019 u përpoq të adresojë pikërisht këtë nevojë.

Artikulli u publikua më parë në faqen 47 të numrit 22 të revistës Business Magazine Albania. Ju mund të Shfletoni Këtu  nr. 22 të saj.

Mesazhi i saj është se reformat duhet të komunikohen qartë për të siguruar një perceptim, pozicionim dhe angazhim të përbashkët nga palët e interesuara në të gjitha nivelet. Ekspozimi ndaj praktikave të mira dhe reflektimi mes të ngjashmëve në lidhje me mënyrën e aplikimit të tyre në realitete apo kontekste specifike, është një mënyrë e mirë për të nxitur transformimin e sistemit. Shkolla Verore 2019 shënoi fillimin e një sërë përpjekjesh që do të ndërmerren nga Akademia “Aftësi për Punë” për të promovuar cilësinë dhe relevancën e sistemit të AFP-së. Kjo do të mundësohet përmes bashkëpunimit gjithnjë e më të madh midis kompanive, ofruesve dhe politikëbërësve.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0