SDA Albania nga Protik fillon kursin e parë të programimit në Tiranë

SDA Albania nga Protik fillon kursin e parë të programimit në Tiranë

SDA Albania

Software Development Academy në bashkëpunim me Qendrën Protik dhe Fondacionin Shqiptaro-Amerikan për Zhvillim (AADF) dhe në partneritet me Bashkinë e Tiranës dhe Agjensinë Kombëtare të Shoqërisë së Informacionit (AKSHI), me datë 5 Korrik zhvilluan orën e parë të programit “Java from Scratch” në Shqipëri dhe njoftuan për edicionet pasuese në muajt në vijim.

Kurset drejtohen nga profesionistë që punojnë në sektorin e IT-së dhe përbëhen nga module të ndryshme, përfshirë trajnimet në grup, seanca individuale, programim live, si dhe orë njohurie rreth burimeve njerëzore, me qëllim përgatitjen për intervistën e parë të punës të një programuesi të ri “Junior”.

Përveç njohurive teknike, pjesëmarrësit mësojnë aspekte të ndryshme të punës së një programuesi, duke përfshirë punën në grup, përdorimin e mjeteve të zhvillimit dhe njohjen me rregullat themelore të metodologjisë AGILE.

SDA Albania

SDA Albania nga Protik ofron kurse si në klasë ashtu edhe në distancë deri në 8 muaj dhe siguron njohuri dhe aftësi thelbësore për të filluar punën e parë si Zhvillues Softuerësh në industrinë e IT-së në tregun shqiptar me paga konkurruese.

Lexoni: 121 të rinj shqiptarë në garë për t’u bërë Ambasadorët e Rinj të Evropës

Kurset në Shqipëri zhvillohen në bashkëpunim me Qendrën Protik. Falë partneritetit me Fondacionin Shqiptaro-Amerikan për Zhvillim (AADF), pjesëmarrësit në kurset e organizuara nga SDA Albania nga Protik mund të përfitojnë nga një program i veçantë bursash, ku përfituesit mund të marrin deri në 1500 EUR.

Ekzistojnë 5 kategori bursash me sasi të ndryshme të subvencioneve, përfshirë fondet shtesë për ata që aplikojnë herët, studentët e universitetit me nota mbi 9.0 dhe 9.5, femrat në teknologji, aplikantët që ndodhen jashtë Tiranës, viktimat e tërmetit dhe ata që janë të gatshëm të orientojnë karrierën e tyre drejt sektorit të IT-së.

Software Development Academy, me qendër në Gdynia, Poloni, është ofruesi kryesor i kurseve të zhvillimit të programeve kompjuterike në Evropën Qëndrore dhe Lindore. Kompania ka mbi 6 vjet aktivitet në tregun global të arsimit dhe mbi 9,000 të diplomuar, të cilët kanë kaluar me sukses nga pozicionet e tyre të mëparshme në role teknike në sektorin e IT-së.

Kompania ofron kurse të ndryshme programimi në fusha të tilla si Java, Python, PHP dhe Testim Softuerësh, si dhe teknologji moderne përfshirë dizajnin UX/UI. Për më tepër, SDA ofron edhe trajnime të ndryshme B2B për kodimin, duke u mundësuar kompanive të ndryshme të rrisin kompetencat e punonjësve të tyre.

Për më shumë informacion, ju mund të vizitoni faqen zyrtare të SDA Albania.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0