Samsung zbuloi një linjë të re të pajisjeve Bespoke në eventin virtual Bespoke Home 2022 - Business Magazine Albania

Samsung zbuloi një linjë të re të pajisjeve Bespoke në eventin virtual Bespoke Home 2022

Samsung

Samsung Electronics zgjeron vizionin e Bespoke me opsione të reja dizajni të personalizueshëm, opsione më të zgjuara të lidhjes dhe zgjidhje të qëndrueshme për zgjatjen e ciklit jetësor të produktit

Samsung Electronics zhvilloi “Bespoke Home 2022”, ekspozitën e dytë të pajisjeve Samsung Bespoke. Tema e këtij viti ishte ndërtuar mbi konceptin e zgjerimit të: hapësirës, përvojës dhe kohës, që punojnë së bashku për të ofruar një përvojë të jetesës në shtëpi që shkon përtej pajisjeve elektroshtëpiake konvencionale.

“Reagimi pozitiv që pati eventi Bespoke Home vitin e kaluar na tregoi vizionin tonë për një jetë më të mirë në shtëpi përmes dizajnit frymëzues, personalizimit dhe lidhjes inteligjente,” tha JaeSeung Lee, President dhe Drejtues i Biznesit të Pajisjeve Dixhitale në Samsung Electronics. “Këtë vit, ne jemi të lumtur të ndërtojmë mbi vizionin tonë duke u ofruar konsumatorëve më shumë mënyra për të shprehur veten, për të përjetuar komoditete të lidhura dhe për të qenë të qëndrueshëm në shtëpi me Bespoke.”

 

Zgjerimi i Bespoke Home 2022

Këtë vit, Samsung po ofron një përvojë më gjithëpërfshirëse duke zgjeruar Bespoke në të gjithë shtëpinë. Në qendër të ekspozitës janë pajisjet e përditësuara të kuzhinës dhe të jetesës me ngjyra elegante dhe veçori të përditësuara. E re në këtë linjë është lançimi global i lavatriçes Bespoke dhe tharëses me inteligjencë artificiale, si dhe paketës së kuzhinës Bespoke.

 

Për tregun evropian, paketa përfshin furrat Bespoke krejtësisht të reja, të fuqizuara nga inteligjenca artificiale, të cilat do të lansohen në shtator. Furra Bespoke ofron veçori të lidhura përmes aplikacionit SmartThings, duke e bërë gatimin më të thjeshtë dhe më efikas. AI Pro Cooking™ mund të njohë përbërësit, të optimizojë cilësimet në përputhje me rrethanat dhe të monitorojë ushqimin ndërsa është duke u gatuar për të parandaluar që të mos gatuhet shumë ose pak. Funksioni Dual Cook Steam™ i lejon përdoruesit të përgatisin si pjata të shëndetshme të gatuara në avull ashtu edhe ushqime të gatuara në furrë duke përdorur opsione të ndryshme në të njëjtën kohë. Përveç kësaj, funksioni Sense-to-Open hap me lehtësi derën e furrës vetëm me një prekje duke lejuar një dizajn elegant dhe minimal me një derë të sheshtë pa doreza. Pjesa tjetër e paketës, duke përfshirë lavastoviljen dhe pjatalarësen me induksion, do të jetë e disponueshme në gjysmën e dytë të vitit 2022.

 

Duke kaluar nga kuzhina në hapësirën e banimit, lavatriçet e reja Bespoke me inteligjencë artificale do të jenë të disponueshme në SHBA dhe Evropë në korrik.

Tharësja Bespoke AI ofron AI Optimal Dry të avancuar i cili monitoron vazhdimisht përmbajtjen e ujit me një sensor të përmirësuar dhe optimizon në mënyrë inteligjente algoritmin e tij për të tharë tërësisht artikujt. Ai gjithashtu kontrollon automatikisht kohën dhe temperaturën e ciklit për të mbrojtur rrobat nga mbinxehja[1]. Përveç kësaj, sensori i avancuar i lagështisë zbulon ndryshimet në nivelin e lagështisë për të rregulluar temperaturën dhe kohëzgjatjen e tharjes për efikasitet maksimal. Funksioni Smart Dial personalizon proçesin duke njohur opsionet e larjes dhe tharjes që përdoren më shpesh nga përdoruesit. Për më tepër, të krijuar për të funksionuar në mënyrë optimale së bashku, lavatriçja dhe tharësi Bespoke AI mund të lajnë dhe thajnë rrobat brenda një ore, falë veçorive Super Speed Washer dhe Super Speed Dry.

Për tregun evropian, lavatriçja dhe tharësja e re Bespoke AI do të vijnë me teknologjitë më të fundit të Samsung për kursimin e energjisë dhe funksionet e ndërgjegjshme për mjedisin, duke përfshirë AI Ecobubble™, AI Wash dhe SpaceMax™.

Gjithashtu në këtë ngjarje, Samsung veçoi mënyrën sesi dizajnet Bespoke kanë evoluar përmes përpjekjeve të ndryshme si konkurset e dizajnit, bashkëpunimet e artistëve dhe paneleve limited-edition, të gjitha duke çuar në një shërbim personalizimi të vërtetë. Samsung ka bashkëpunuar për dizajne limited-edition të paneleve me artistë të shquar, duke përfshirë Andy Rementer dhe Alex Proba, dhe Samsung po e çon personalizimin në një nivel tjetër me shërbimin MyBespoke të njoftuar së fundmi në SHBA.

Një jetë më e zgjuar, më e përshtatshme në shtëpi

Një përvojë e lidhur Bespoke është më shumë sesa thjesht kontrolli i pajisjeve me një aplikacion. Bëhet fjalë për krijimin e përvojave të personalizuara duke përdorur teknologjinë e drejtuar nga inteligjenca artificiale për ta bërë jetën në shtëpi më të përshtatshme dhe specifike për përdoruesit. Për këtë qëllim, Samsung, këtë qershor, do të lançojë globalisht SmartThings Home Life, një qendër që kombinon gjashtë shërbime thelbësore në shtëpi: gatim, energji, kujdesi ndaj veshjeve, kujdesi për kafshët, kujdesi për ajrin dhe kujdesi në shtëpi. SmartThings Home Life i lejon përdoruesit të personalizojnë mënyrën se si pajisjet e tyre funksionojnë së bashku bazuar në shërbimet që u nevojiten.

SmartThings do të luajë gjithashtu një rol kyç në programin e partneritetit të Samsung me liderin global të teknologjisë ABB për të zhvilluar zgjidhje holistike të smart building. Kjo do të kombinojë Samsung SmartThings dhe [email protected]® të ABB për t’u lidhur pa probleme me sistemet ekzistuese të menaxhimit të pronës së klientëve. Në një hap të dytë, bashkëpunimi do t’u mundësojë përdoruesve të lidhin një sërë pajisjesh për zhvendosje më të mirë të ngarkesës së energjisë elektrike përmes një sistemi të centralizuar. Kjo ka avantazhet e kursimit të energjisë dhe parave, si dhe reduktimin e emetimeve të karbonit, ndërkohë që zgjeron më tej aksesin në SmartThings dhe teknologjinë më të fundit të smart home në të gjithë botën.

Qëndrueshmëria nga fillimi deri në fund

Angazhimi për të ndihmuar mjedisin ka qenë prej kohësh në thelb të modeleve të produkteve të Samsung. Pajisjet më të fundit Bespoke nuk bëjnë përjashtim, të gjitha të dizajnuara me një cikël të qëndrueshëm të produktit nga fillimi në fund.

Pajisjet Bespoke të Samsung janë ndërtuar për të qenë sa më efikase dhe ekologjike që të jetë e mundur. Duke filluar me prodhimin, për shembull, Samsung përpiqet të parandalojë ndotjen e tokës duke minimizuar mbetjet e krijuara nga fabrikat, duke përfshirë fragmente xhami. Në këtë drejtim, Samsung gjithashtu riciklon materiale të lëngshme si mbetjet e vajit dhe boja në karburant, në mënyrë që ato të mund të përdoren më vonë. Në fakt, objektet e prodhimit të Samsung për pajisjet digjitale në Kore arritën një shkallë të riciklimit të mbetjeve industriale prej 93% në 2019, e cila u rrit në 98% në 2021. Samsung do të vazhdojë të rrisë shkallën e riciklimit në vijim.

Për sa i përket shpërndarjes së produkteve, Samsung po frenon varësinë e tepërt nga burimet natyrore duke përdorur kuti eco-packaging që konsumatorët mund t’i ripërdorin në shtëpi.Gjithashtu, Samsung po ofron manuale digjitale përmes kodeve QR që reduktojnë manualet prej letre.

Veçoritë e qëndrueshme vazhdojnë të funksionojnë ndërsa produkti është në përdorim. Frigoriferët e Samsung përdorin një kompresor digjital të avancuar me inverter ndërsa makinat larëse Samsung përfitojnë nga teknologjia si AI Ecobubble™. Me teknologji të tilla inovative, Samsung ka qenë në gjendje të zvogëlojë konsumin e energjisë me 67%[2]  për frigoriferët nga viti 2000 në 2020 dhe 53%[3]  për lavatriçet nga viti 2011 deri në 2020. Rezultati i këtyre përpjekjeve të ndërgjegjshme për mjedisin është vlerësuar me Energy Star. Për përdoruesit e Samsung, kjo do të thotë ulje e kostove të energjisë duke reduktuar emetimet e gazrave serrë.

Shërbimi SmartThings Energy gjithashtu mund t’i ndihmojë përdoruesit të kursejnë energji duke fikur me lehtësi pajisjet kur nuk janë në përdorim, si dhe duke rregulluar blindat dhe kondicionerët, duke zbutur humbjen e energjisë duke krijuar zakone të qëndrueshme në shtëpi.

Së fundi, me çdo pajisje elektroshtëpiake, asgjësimi i duhur në fund të ciklit të saj jetësor është i një rëndësie të madhe gjatë gjithë procesit të qëndrueshmërisë. Duke siguruar pajisje elektroshtëpiake më jetëgjata, duke filluar nga korriku, Samsung ofron një garanci 20-vjeçare[4]. Përveç kësaj, falë modeleve modulare të Bespoke, përdoruesit mund të personalizojnë dizajnin e pajisjeve të tyre në shtëpi kur kërkojnë një ndryshim, në vend që të blejnë të reja.

Në fund të fundit, produktet Samsung janë krijuar për të qenë fleksibël, të qëndrueshëm dhe efikas, duke zgjatur ciklin e jetës së produktit duke reduktuar mbetjet. Këto përpjekje pasqyrojnë se si Samsung po ndihmon për të krijuar një të ardhme më të qëndrueshme.

 

[1] Bazuar në algoritmin e krijuar nga inteligjenca artificiale.

[2] Konsumi i energjisë elektrike i frigoriferit Samsung (tipi Bottom Mounted Freezer) ishte ulur me rreth 67% nga viti 2000 (periudha e parë e lansimit në Evropë) deri në vitin 2020. Modelet e krahasuara për të llogaritur konsumin e energjisë elektrike për kapacitetin neto për litër (bazuar në etiketën e energjisë së BE-së) janë SL39SP3/XEU të shitura në 2000 dhe RB37R5**R** në 2020.

[3] Konsumi i energjisë elektrike i lavatriçes Samsung (tipi Drum) ishte ulur rreth 53% nga viti 2011 (i aplikuar nga rregullorja e rishikuar rishtazi e energjisë në Evropë) deri në vitin 2020. Modelet e krahasuara për llogaritjen e konsumit të energjisë elektrike (bazuar në EEI nga Raporti i Energjisë së BE-së) janë WF0704L7W të shitura në 2011 dhe WW12R640U0M në 2020.

[4] Garancia 20-vjeçare e Motorit Digjital me Inverter dhe Kompresorit Digjital Inverter është e disponueshme për frigoriferë dhe lavatriçe në rajonin evropian dhe lavatriçe në rajonin e SHBA.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0