Samsung organizoi një event në metaverse, i cili nuk shkoi ashtu si duhej - Business Magazine Albania

Samsung organizoi një event në metaverse, i cili nuk shkoi ashtu si duhej

Samsung

Samsung organizoi një event lançimi për telefonat më të rinj inteligjentë Galaxy në një event në metaverse këtë javë, por shumë njerëz hasën vështirësi teknike për t’u bërë pjesë e tij.

Gjigandi i teknologjisë koreano-jugore organizoi eventin të mërkurën në Decentraland, një botë virtuale e përqendruar te kriptovalutat që përdoruesit mund të krijojnë, eksplorojnë dhe tregtojnë.

Decentraland, një nga shumë përpjekjet e metaverse, arrihet përmes një shfletuesi desktop. Përdoruesit krijojnë një avatar, të cilin më pas mund ta lundrojnë nëpër botën virtuale të fuqizuar nga blockchain duke përdorur një maus dhe tastierë.

Metaverse zakonisht lidhet me lojtarët që përdorin kufje ose syze inteligjente, të cilat i lejojnë ata të jetojnë, punojnë dhe luajnë në një botë virtuale si ajo e përshkruar në romanin dhe filmin “Ready Player One”.

Lexo edhe: Pse kompanitë private dhe sipërmarrësit do të dominojnë Metaverse?!

Eventi u zhvillua në mënyrë specifike në Samsung 837X, një ndërtesë virtuale që Samsung ka ndërtuar në Decentraland që është projektuar për të qenë një kopje e qendrës së saj në Nju Jork. Samsung 837X është aty gjatë gjithë kohës, por mesa duket në lançimin më të fundit të Samsung, përdoruesit kanë hasur vështirësi që të aksesonin ndërtesën.

Në një deklaratë të dërguar për CNBC, Samsung tha se “vizitorët dhe komuniteti Decentraland na kanë dhënë një feedback shumë pozitiv, duke e parë atë si një risi në një botë tërësisht digjitale”.

Më pas shtoi: “Fatkeqësisht, një problem teknik me një nga sferat e Decentraland pengoi disa njerëz të hynin në event. Sapo morëm vesh për këtë problem, ne informuam komunitetin përmes Twitter dhe i ridrejtuam vizitorët tanë në një hyrje të re.”

cnbc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0