Sa i çuditshëm është fakti se Mercedes Benz "prodhohet" në Shqipëri?

Sa i çuditshëm është fakti se Mercedes Benz “prodhohet” në Shqipëri?


Mercedes Benz. Mjaftojnë vetëm 12 shkronja për të çliruar imagjinatën e shumë shqiptarëve. Dikur vetëm një mit apo ikonë e luksit, në vitet që pasuan pas vitit 1990 ajo filloi të bëhej akoma edhe më e prekshme për shqiptarët. Si fillim me hapjen e dealershipit në vitet e fundit të shekullit të kaluar.

Më shumë se 15 vite më pas, shqiptarët kanë mundesinë të kontribojnë vetë në prodhimin e tyre. Që prej vitit 2015, kompania Forschner, furnizuesi i Mercedes Benz për pjesët elektronike të autobusëve të markës është e vendosur në Shqipëri. Ndonëse Serbia dhe Maqedonia ka përdorur shumë stimuj fiskalë për thithjen e investimeve të huaja, kjo kompani ka më shumë se 2 vite që funksionon në vendin tonë.

Bledar Mankollari, drejtor i Forschner që prej hapjes së fabrikës në Vaqarr të Tiranës, shprehet për revistën Monitor se fabrika ka tashmë 400 punonjës. 90% e tyre janë femra, dhe vetëm vitin e fundit janë punësuar mbi 160 persona. 60% e punonjësve janë më të rinj se 30 vjeç dhe 70% e të punësuarve janë me arsim të mesëm.

Mankollari shprehet se problemi më i madh nuk ka qënë gjetja e punonjësve por trajnimi i tyre. Proçesi i punës nuk është i komplikuar. Ai është i mirëpërcaktuar dhe materialet e ardhura nga Gjermania vetëm montohen në Shqipëri. Avantazhi kryesor është kosto e ulët e forcës punëtore. Aktualisht, kostot më të mëdha janë për trajnimet. Ndërkohë, ai shprehet se do të ishte lehtësuese për ta që të mos ishin të detyruar të regjistronin punonjësit gjatë periudhës së trajnimit.

Kompania i ka vlerësuar punonjësit e trajnuar si të shpejtë në krahasim me vendet e tjera. Gjithashtu edhe pagat janë goxha të mira. Paga mesatare është rreth 360 Euro teksa paga minimale është 260 mijë lekë. Gjithashtu ata punojnë në ambjente tepër ergonomike dhe gjithçka është e saktë dhe e përcaktuar qartë.

Ndër planet e kompanisë për të ardhmen është edhe ndërtimi i një njësie të re me sipërfaqe 25-30.000 katrorë. Investimi total pritet të jetë rreth 13.5 milionë euro dhe pritet që të hapen rreth 1200 vende të reja pune. Zona e zgjedhur është ajo e Spitallës në Durrës si një zonë strategjike. Popullsia e lartë dhe afërsia me portin detar janë pika të forta për gjithë procesin e punës.

Burimi: Monitor

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0