Sa ditë pushimi kanë vendet e Europës? Po Shqipëria? - Business Magazine Albania

Sa ditë pushimi kanë vendet e Europës? Po Shqipëria?


Shqipëria numëron 14 ditë pushimi zyrtare në vit, shifër kjo e cila është ndër më të lartat në Europë.

Sipas Worldatlas, Europa llogarit mesatarisht nga 9 deri në 15 ditë pushimi zyrtare e që quhen edhe festa kombëtare. Këto ditë janë të paguara dhe në rast se njerëzit punojnë gjatë këtyre festave ata paguhen më shumë.

Një rast përjashtues është Mbretëria e Bashkuar, ku ditët zyrtare të pushimit nuk janë të detyrueshme për punonjësit. Nëse ata zgjedhin të punojnë gjatë këtyre ditëve nuk përfitojnë pagesa shtesë. Kjo shpjegohet me faktin se britanikët kanë më shumë ditë leje të zakonshme në krahasim me vendet e tjera europiane, e që llogaritet në 28 ditë pune.

Harta tregon se Shqipëria është ndër ato vende që ka ditë më shumë zyrtare pushimi. Greqia dhe Italia kanë përkatësisht nga 12 ditë. Mali i Zi gjithashtu ka të njëjtën numër ditësh pushimi zyrtare si Shqipëria në 14, ndërsa Kosova llogarit 12.

Megjithatë numri i ditëve të pushimit ndryshon nga njëri vend në tjetrin. Gjithashtu varet edhe nga rastet kur ato mund të bien në ditët e fundjavës siç është e shtuna dhe e diela.

Në botë, vendi me numrin më të madh të ditëve zyrytare të pushimit është India me 21 ditë e ndjekur nga Kolumbia dhe Filipinet me 18. Kina dhe Hong – Kongu kanë 17 ditë zyrtare pushimi, ndërsa Tajlanda, Turqi dhe Pakistani gëzojnë nga 16 ditë. Japonia, Argjentina dhe Suedia llogarisin 15 ditë pushimi zyrtare në vit.

Avantazhet e ditëve të pushimit kanë të bëjnë me faktin se njerëzve iu jepet më shumë kohë për të qenë me familjen si dhe për t’iu dedikuar argëtimit. Ekspertët e sjelljeve sociale thonë se ato gjithashtu shërbejnë për të rritur ndërveprimin social dhe produktivitetin. Punonjësit kanë mundësi që të shlodhen dhe më pas t’i dedikohen punës me një rendiment më të lartë.

Por, kanë edhe anën tjetër të medaljes, pasi ndikojnë në ngadalësimin e transaksioneve që mund të bëhen përmes bankave, si dhe për sektorin financiar. Financat duhet të presin për pak kohë për t’u vënë në lëvizje, megjithatë qeveritë gjejë mënyra për të kompensuar këto ‘humbje’.

sa-ditë-pushimi-kanë-vendet-e-Europës-po-Shqipëria-business-mag

Burimi: monitor.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0