Rusia ka kërcënuar të ndërpresë furnizimin e gazit në Gjermani dhe ka paralajmëruar rritjen e çmimi të naftës deri në 300$ për fuçi nëse Perëndimi ndalon eksportet e saj të energjisë.
“Është absolutisht e qartë se një refuzim i naftës ruse do të sjellë pasoja katastrofike për tregun botëror”, tha Ministri rus Alexander Novak të hënën në një intervistë për një televizion kombëtar rus.
“Rritja e çmimeve do të jetë e paparashikueshme. Do të shkojnë deri në 300$ për fuçi nafte, në mos më shumë.”
Novak gjithashtu citoi vendimin e Gjermanisë muajin e kaluar për të ndaluar çertifikimin e Nord Stream 2 duke thënë: “Kemi çdo të drejtë të ndërmarrim një vendim të ngjashëm dhe të imponojmë embargon mbi furnizimin me gazin e Nord Stream 1.”
Lexo edhe: SHBA-të pritet të ndalojnë importin e naftës ruse
“Deri më tani nuk po e marrim një vendim të tillë,” tha Novak. “Por politikanët evropianë me deklaratat dhe akuzat e tyre ndaj Rusisë po na shtyjnë drejt këtij vendimi.”
Komentet e ministrit vijnë me agresionin rus në Ukrainë, i cili po plotëson javën e tij të dytë, tashmë me shumë kriza humanitare të cilat pritet të përkeqësohen teksa Kremlini vazhdon me pushtimin.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
