Rruga e Kombit, nuk ka tarifë autostrade për mjetet e individët në ndihmë të situatës


Nisja e autokolonës së ushtrisë kosovare Drejt Shqipërisë dhe më vonë edhe autokolonës  për ndihmë me ushqime e pajisje materiale, janë shoqëruar me vlerësim nga qytetarët shqiptarë. Krahas kësaj, shumë qytetarë kanë ngritur pikëpyetjen nëse autokolonave iu desh të paguanin taksën e autostradës, një taksë shumë e kundërshtuar nga Shqiptarë të Shqipërisë dhe Kosovës.

Madje ata kanë propozuar që taksa të hiqet tërësisht, pasi është vetëm një turp për Shqipërinë.

Berat Rukiqi, kryetar i Odës Ekonomike të Kosovës, kërkoi të hiqet ose të pezullohet taksa rrugore për të gjithë kosovarët që dërgojnë ndihma për familjet e prekura nga tërmeti.

Në rrjetet sociale, ai u shpreh: “Kërkesë urgjente për autoritetet nga Shqipëria: Ka qindra qytetarë, biznese, operatorë të transportit të mobilizuar, të cilët me vullnet të jashtëzakonshëm janë të mobilizuar për përkrahje të Shqipërisë në këto ditë të vështira. Ndërkohë, të gjithë po paguajnë taksën rrugore. Mospezullimi i kësaj takse për një kohë të caktuar është irritues dhe skandaloz; prandaj kërkohet urgjentisht, vendim i jashtëzakonshëm, në gjendje të jashtëzakonshme, për pezullim për një kohë të caktuar të njërës nga barrierat më absurde që ne e kemi me Shqipërinë, edhe në kohëra të zakonshme”.

Në një njoftim të saj, shoqëria koncesionare e autostradës Milot – Morinë, bëri të ditur se, duke filluar që nga dita data 26.11.2019 ka lejuar kalimin pa pagesë të të gjitha makinave (individë, shoqata, institucione të Kosovës, Shqipërisë, etj), të cilët janë solidarizuar, apo kanë sjellë ndihma për të prekurit nga tërmeti”.

Sipas kompanisë, këto grup personash do të lejohen të kalojnë pa pagesë deri në përfundim të situatës emergjente.

Normalisht, tarifa për kalimin e mjeteve 4 plus 1 është 5 euro, ndërsa për kamionët e mjetet e transportit të mallrave tarifa shkon deri në 11 euro.

 

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale