Rritet prodhimi i biçikletave në vendet e BE, kryeson Portugalia

prodhimi i biçikletave

Mbi 11.4 milionë biçikleta u prodhuan në vitin 2019 në Bashkimin Evropian, duke shënuar vitin me rritjen më të madhe në pesë vitet e fundit. Nga prodhimi i përgjithshëm bie në sy rënia e vazhdueshme e biçikletave italiane, ndërkohë që kryesimin për prodhime e ka marrë Portugalia.

Sipas Eurostat viti që lamë pas pati një rritje me 5 për qind të prodhimit krahasuar me një vit më parë dhe 10 për qind më shumë se sa viti 2014, i cili kishte dhe raportin më të ulët të dhjetëvjeçarit. Viti me më shumë prodhim mbetet viti 2015, ku pati mbi 13.7 milionë biçikleta të prodhuara.

Lexoni: 50 mijë paund për një whisky nga Aston Martin dhe Bowmore

Nga 27 vendet e BE-së, Portugalia ishte ajo që prodhoi më tepër biçikleta edhe vitin që lamë pas, plot 2.7 milionë, ndjekur nga Italia (2.1 milionë), Gjermania (1.5 milionë), Polonia (900 mijë) dhe Holanda (700 mijë). Këto 5 vende së bashku prodhuan rreth 70 për qind të totalit të biçikletave në BE, për vitin 2019.

 prodhimi i biçikletave

Eurostat nuk ka të dhëna për prodhimin e biçikletave në Mal të Zi, Maqedoninë e Veriut, apo Shqipëri, vende të cilat kryesisht konsiderohen vende importuese.

Dhjetëvjeçarin e fundit, falë nismës globale për të ulur emetimet e dioksidit të karbonit shtete të ndryshme të Evropës po përpiqen të nxisin përdorimin e biçikletave në qytete, pjesë e nismës është bërë edhe Tirana.

Eurostat

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0